సమ్మర్ హాలీడేస్ వచ్చాయంటే మాగ్జిమమ్ జనాలు ఎక్స్ పెక్ట్ చేసే ఎంటర్ టైన్మెంట్ “సినిమా”. కానీ.. “మహర్షి” లాంటి పెద్ద సినిమా విడుదలవ్వడంతో ఆ సినిమా రిలీజ్ కి ఒక వారం ముందు కానీ ఒక వారం తర్వాత కానీ చెప్పుకోదగ్గ సినిమాలు రిలీజవ్వలేదు. దాంతో వారానికి కనీసం రెండు మూడు సినిమాలు చూసే అలవాటున్నవాళ్ళందరూ సైలెంట్ అయిపోయారు. వాళ్ళ కోసమే ఈవారం ఏకంగా 9 సినిమాలు రిలీజ్ కి రెడీ అయ్యాయి.
తేజ దర్శకత్వంలో కాజల్, బెల్లంకొండ శ్రీనివాస్ కాంబినేషన్ లో తెరకెక్కిన “సీత”, అంజలి ప్రధాన పాత్రలో రూపొందిన “లీసా”, లగటిపాటి శ్రీధర్ కుమారుడు విక్రమ్ లగడపాటి కథానాయకుడిగా పరిచయమవుతూ నటించిన “ఎవడు తక్కువ కాదు”, తమిళ అనువాద చిత్రం “నాగకన్య”, “నేను లేను” అనే చిన్న సినిమా విడుదలవుతున్నాయి. అలాగే.. హిందీ నుంచి “నరేంద్రమోడీ బయోపిక్, ఇండియాస్ మోస్ట్ వాంటెడ్” రిలీజవుతున్నాయి. ఇక హాలీవుడ్ నుంచి “ఆలాద్దీన్, బ్రైట్ బర్న్” సినిమాలు విడుదలవుతున్నాయి. ఈ 9 సినిమాల్లో “సీత, ఇండియాస్ మోస్ట్ వాంటెడ్, ఆలాద్దీన్” చిత్రాల మీద జనాలకు మంచి అంచనాలున్నాయి. మరి ఈ 9 సినిమాలో ఏ చిత్రం బాక్సాఫీస్ దగ్గర విజయం సాధిస్తుందో తెలియాలంటే ఇంకొన్ని రోజులు వెయిట్ చేయాల్సిందే.
