ఇండస్ట్రీ హిట్ శ్రీమంతుడు మూవీ తర్వాత కొరటాల శివ దర్శకత్వంలో మహేష్ బాబు చేస్తున్న భరత్ అనే నేను సినిమా షూటింగ్ చక చకా సాగుతోంది. పొల్లాచి లో ప్రారంభమైన ఈ మూవీ తాజా షెడ్యూల్ లో మహేష్ పాల్గొన్నారు. ఈ రోజు నుంచి ప్రత్యేకమైన ఫైట్ షూట్ చేయనున్నారు. హోలీ ఆడుతూ రౌడీ మూకల భరతం పట్టే ఈ సన్నివేశ చిత్రీకరణకు అంత సిద్ధమైంది. సినిమాలో ఈ ఫైట్ హైలెట్ అయ్యే విధంగా షూట్ చేయడానికి కొరటాల ప్లాన్ చేశారు. శ్రీమంతుడులో మామిడి తోట ఫైట్ ఎంత హైలైట్‌ అయ్యిందో… అంతకు మించి ఈ హోలీ ఫైట్ హైలైట్‌ అవుతుందని చిత్ర బృందం వెల్లడించింది.
భారీ బడ్జెట్ తో డీవీవీ దానయ్య నిర్మిస్తున్న ఈ చిత్రం లో బాలీవుడ్ బ్యూటీ కైరా అద్వానీ నటిస్తోంది. పోసాని కృష్ణ మురళి కీలక రోల్ పోషిస్తున్నారు. మహేష్ ముఖ్యమంత్రి అయితే పోసాని అపోజిషన్ లీడర్ గా నవ్వులు పూయించనున్నారు. రాక్ స్టార్ దేవీ శ్రీ ప్రసాద్ సంగీతాన్ని అందిస్తున్న ఈ చిత్రం వచ్చే ఏడాది ఏప్రిల్ 27న రిలీజ్ కానుంది.
