ఇండస్ట్రీలో ఉన్న అత్యంత ఆప్తమిత్రుల లిస్ట్ లో పవన్ కళ్యాణ్-అలీల పేర్లు ముందు వరుసలో ఉంటాయి. ఒక్క “అజ్ణాతవాసి”లో తప్ప పవన్ కళ్యాణ్ నటించిన ప్రతి సినిమాలోనూ అలీ ఉన్నాడు. అది చిన్న పాత్ర కావచ్చు.. లేదా చిన్న పాత్ర కావచ్చు అలీ లేకుండా పవన్ కళ్యాణ్ సినిమా మాత్రం ఉండేది కాదు. అలాంటి బెస్ట్ ఫ్రెండ్స్ అయిన పవన్ కళ్యాణ్-అలీలు రాజకీయాల్లోకి ఎంటర్ అయిన తర్వాత మాత్రం శత్రువులుగా మారిపోయారు. వై.ఎస్.ఆర్.సి.పి పార్టీలోకి ప్రచారకర్తగా ఎంట్రీ ఇచ్చిన అలీ తన స్నేహితుడు పవన్ కళ్యాణ్ మీద కొన్ని ఎలిగేషన్స్ చేశాడు. గత కొన్ని రోజులుగా ఈ చర్చలు జరుగుతూనే ఉన్నాయి.
అయితే.. మొన్న పవన్ కళ్యాణ్ తన స్నేహితుడు అలీ తనను మోసం చేశాడని ఆరోపించాడు.
ఈ విషయమై స్పందించిన అలీ వెంటనే.. “అసలు పవన్ కళ్యాణ్ తనను ఎప్పుడు ఆదుకున్నాడు. నేను కష్టాల్లో ఉన్నప్పుడేమైనా నాకు అవకాశాలిచ్చాడా? లేక ఇబ్బందుల్లో ఉన్నప్పుడు డబ్బు సహాయం చేశాడా? ఇంకా చెప్పాలంటే.. తన మీద ఉన్న గౌరవం పోగొట్టుకున్నాడు. ముఖ్యంగా.. తన మనసు విరగొట్టాడని అలీ ఒక ఎమోషనల్ వీడియోను రిలీజ్ చేశాడు. ఆ వీడియో ప్రస్తుతం వైరల్ అయ్యింది. ప్రాణ స్నేహితుల్లాంటి పవన్ కళ్యాణ్ – అలీ ఇప్పుడు ఇలా పాలిటిక్స్ కోసం శత్రువుల్లా మారి ఒకరి మీద ఒకరు అనవసరమైన ఎలిగేషన్స్ చేసుకోవడం పవన్ కళ్యాణ్ ఫ్యాన్స్ కి మాత్రమే కాదు.. ఎవరికీ నచ్చడం లేదు. ఎలక్షన్స్ తర్వాతైనా వాళ్ళు ఎప్పట్లానే కలిసే ఉండాలని అందరూ కోరుకొంటున్నారు.
