గత కొద్దిరోజుల నుండీ హైదరాబాద్ నగర పరిసరాల్లో వర్షాలు ఎడతెగకుండా కురుస్తున్న సంగతి తెలిసిందే. దీంతో నగర వాసులు అనేక ఇబ్బందులు ఎదుర్కొంటున్న సందర్భాలను కూడా మనం చూస్తూనే వస్తున్నాం. లోతట్టు ప్రాంతాలతో పాటు ఇళ్లు కూడా జలమవుతున్నాయి. గత రెండు, మూడు రోజులుగా వర్షాలు తగ్గాయి అనుకుని జనాలు ఊపిరి పీల్చుకునేలోపు సోమవారం నుండీ మళ్లీ మొదలయ్యాయి. సామాన్యుల ఇళ్ళు మాత్రమే కాదు.. సెలబ్రిటీల ఇళ్ళు కూడా జలమయమవుతున్నాయి.
ఈ నేపథ్యంలో ప్రముఖ క్యారెక్టర్ ఆర్టిస్ట్ అయిన బ్రహ్మాజీ.. ఇంట్లో కూడా వరద నీరు చేరిందట. దానికి సంబంధించిన ఫోటోలను తీసి.. తన సోషల్‌మీడియాలో అప్లోడ్ చేసాడు బ్రహ్మాజీ. ఆయన ఇల్లు మాత్రమే కాదు… కాలనీ మొత్తం జలమయమైనట్లు స్పష్టమవుతుంది.ఈ క్రమంలో బ్రహ్మాజీ… ‘మోటర్‌ బోట్‌ కొనాలనుకుంటున్నా.. ఏది బెటరో సలహా ఇవ్వండి’ అంటూ కామెంట్ పెట్టాడు బ్రహ్మాజీ. దీనికి ఫన్నీ కామెంట్స్ పెడుతూ.. ఈ టాపిక్ ను వైరల్ చేస్తున్నారు నెటిజన్లు.
ఇక సినిమాల విషయానికి వస్తే.. బ్రహ్మాజీ ప్రస్తుతం ‘అల్లుడు అదుర్స్‌’ అనే చిత్రంలో కీలక పాత్ర పోషిస్తున్నాడు. బెల్లంకొండ సాయి శ్రీనివాస్ హీరోగా నటిస్తున్న ఈ చిత్రాన్ని సంతోష్ శ్రీనివాస్ డైరెక్ట్ చేస్తున్నాడు.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
