“నాకింక సినిమాలు చేయాలన్న ఆసక్తి లేదు, నా కాన్సన్ ట్రేషన్ మొత్తం రాజకీయాల మీదే” అని స్వయంగా పవన్ కళ్యాణ్ ఎనౌన్స్ చేసినప్పట్నుంచి నాయకుడిగా తమకి దగ్గరవుతున్న పవన్ కళ్యాణ్ ని చూసుకొని ఆనందపడాలో.. లేక కథానాయకుడిగా తమకు దూరమవుతున్నందుకు బాధపడాలో అర్ధం కాని కన్ఫ్యూజన్ లో ఉన్నారు పవర్ స్టార్ అభిమానులందరూ. అయితే.. ఆయన రాజకీయాల్లో యాక్టివ్ గా ఉంటూనే సినిమాలు కూడా చేయాలనేది ప్రపంచవ్యాప్తంగా ఉన్న పవన్ అభిమానుల అందరి కోరిక. ఇదే కోరికను వేలమంది పవన్ అభిమానుల సాక్షిగా బయటపెట్టాడు నితిన్.
నిన్న సాయంత్రం హైద్రాబాద్ లో జరిగిన “చల్ మోహన్ రంగ” ప్రీరిలీజ్ ఈవెంట్ కి పవన్ కళ్యాణ్ ముఖ్య అతిధిగా విచ్చేసిన విషయం తెలిసిందే. ఈ సందర్భంగా నితిన్ తన అభిమాన కథానాయకుడిగా పవన్ ను ఉద్దేశించి మాట్లాడుతూ.. “సార్ మీరు ఏ రంగంలోనైనా సక్సెస్ ఫుల్ గా పాయాణించాలన్నదే మా అభిమానులాండ్రీ కోరిక. అయితే.. సినిమాలు మాత్రం దయచేసి మానేయకండి. మీకు కుదిరినప్పుడు కనీసం నాలుగేళ్ళకోసారైనా ఒక సినిమా చేయండి” అంటూ రిక్వెస్ట్ చేశాడు. అలాగే.. “నాకంటే పవన్ కళ్యాణ్ గారే స్లిమ్ గా అందంగా కనిపిస్తున్నారు” అంటూ నితిన్ చెప్పడం ఈవెంట్ లో ఒన్నాఫ్ ది హైలైట్ గా నిలిచింది.
