బ్రిటిష్ నటి అమీజాక్సన్ కు సౌత్ లో ఉన్న పాపులారిటీ గురించి ప్రత్యేకంగా చెప్పాల్సిన అవసరం లేదు. శంకర్ దర్శకత్వంలో రెండు సినిమాల్లో నటించిన అమీ జాక్సన్ తెలుగులోనూ “ఎవడు” సినిమాలో మెరిసింది. “రోబో 2.0” తర్వాత అమీ మరో తెలుగు కానీ తమిళ ప్రొజెక్ట్ కానీ సైన్ చేయలేదు. ఉన్నట్లుండి తాను జార్జ్ అనే వ్యక్తితో ప్రేమలో ఉన్నానని ప్రకటించేసరికి ఇకపై అమ్మడు సౌత్ సినిమాల్లో కనిపించదని కన్ఫర్మ్ చేసుకున్నారు జనాలందరూ.
కట్ చేస్తే.. నిన్న సాయంత్రం అమ్మడు సడన్ గా తాను తల్లి కాబోతున్నానని ప్రకటించింది. అమీ జాక్సన్ చాలా ఆనందంతో షేర్ చేసుకున్న ఫోటో ఇంటర్నెట్ లో హల్ చల్ చేయడం మొదలెట్టింది. పెళ్లికి ముందే తల్లవ్వడం ఏంటీ అని కొందరు అడిగినప్పటికీ.. పాశ్చ్యాత్య దేశాల్లో ఇదంతా కావడంతో సైలెంట్ అయిపోయారు. ఈ ప్రెగ్నెన్సీ న్యూస్ తో ఆమె ఇకపై టాలీవుడ్, కోలీవుడ్, బాలీవుడ్ మాత్రమే కాదు.. కొన్నాళ్లపాటు అసలు సినిమాల్లోనే కనిపించదనే విషయమై స్పష్టమైంది. అక్టోబర్ లో బేబీని ఎక్స్ పెక్ట్ చేస్తున్నానని, తన జీవితంలో ఇది చాలా హ్యాపీ ఫేజ్ అని అమీ జాక్సన్ పేర్కొనడం విశేషం.
