తెలుగులో ఈ నటి కొన్ని సినిమాలు చేసి ఉన్నా.. పెద్దగా గుర్తింపు రాలేదు. అలాగే తమిళంలో కూడా కొన్ని సినిమాలు చేసినా.. రాని గుర్తింపు ఒక్క టీవీ ఛానల్లో చేసిన సీరియల్తో ఎనలేని గుర్తింపు తెచ్చుకుంది. ఆమెనే ‘పవి టీచర్’ అలియాస్ సగయ బ్రిగద. తెలుగులో ‘సింధూరం’, ‘పెదకాపు 1’ సినిమాల్లో కీలక పాత్రల్లోనే నటించింది. ఈ అమ్మాయి ఇప్పుడు ఎంగేజ్మెంట్ చేసుకుంది అనేది వార్త. సహ నటుడు అనంత్ రామ్తో ఆమె నిశ్చితార్థం చేసుకున్నారు.
వీరిద్దరూ ప్రేమలో ఉన్నారని కొన్ని రోజుల క్రితమే అధికారికంగా ప్రకటించారు. అనంత్ రామ్ పుట్టిన రోజు సందర్భంగా బ్రిగిద చేసిన ఓ పోస్టుతో మొత్తం విషయం బయటకు వచ్చినట్లు అయింది. అతని మీద తన ప్రేమను ఒక రొమాంటిక్ పోజు ఉన్న ఫొటోతో చెప్పేసింది. ఇప్పుడు ఎంగేజ్మెంట్ కూడా చేసుకున్నారు. త్వరలోనే పెళ్లి తేదీ ప్రకటిస్తారని సమాచారం. ఈ ఇద్దరూ ప్రముఖ నటుడు ధనుష్కి డైహార్డ్ ఫ్యాన్స్ అనే విషయం తెలిసిందే.
బ్రిగిద, అనంత్ ఇద్దరూ ఒకే కాలేజీలో చదువుకున్నారు. అయితే ఆమె రెండు సంవత్సరాల జూనియర్. ‘నన్బన్ ఒరువన్ వంత పిరగు’ అనే సినిమా ప్రీమియర్ సందర్భంగా ఇద్దరూ కలుసుకున్నారట. ఆ తర్వాత మరికొన్ని ప్రీమియర్లలో కూడా కలుసుకున్నారు. ఈ ఇద్దరి మధ్య ప్రేమ అనే మాట కాకుండా.. డైరెక్ట్గా పెళ్లి అనే ప్రస్తావన వచ్చింది.
