గతేడాది వచ్చిన మాస్ మహా రాజ్ రవితేజ నటించిన ‘నేల టికెట్’ చిత్రంతో టాలీవుడ్ కు హీరోయిన్ గా పరిచయమయ్యింది మాళవిక శర్మ. అయితే ఈ చిత్రం ప్లాపవ్వడంతో ఈ అమ్మడుని ఎవరూ పట్టించుకులేదు కానీ.. చూడడానికి చాలా చక్కగా… ఇప్పటి హీరోయిన్లని డామినెటే చేసే గ్లామర్ ఈమెది అనడంలో అతిశయోక్తి లేదు. ఒకవేళ ‘నేలటికెట్’ చిత్రం హిట్టయ్యి ఉంటే గనుక ఈ అమ్మడికి మంచి ఆఫర్లు వచ్చేవేమో. మంచి లుక్ ఉన్నా లాక్ కలిసి రాలేదన్న మాట. ఇదిలా ఉండగా సోషల్ మీడియాలో మాత్రం ఈ అమ్మడు యమ యాక్టివ్ గా ఉంటుంది. ఎప్పటికప్పుడు తన కొత్త పిక్స్ ను పోస్ట్ చేస్తూ నెటిజన్లను ఆకర్షిస్తుంటుంది.
ఇప్పుడు కూడా ఓ ఫోటోను పోస్ట్ చేసింది. ఈ ఫోటోకు చాలా పెద్ద క్యాప్షన్ ఇచ్చింది. అదేంటంటే…. “ఆ అమ్మాయి బొద్దుగా ఉంది…. ఈ అమ్మాయి సన్నగా ఉంది వంటి కామెంట్లు చేయడం ఆపేయాలి. నేను బరువు పెరిగానని నాకు ఊరికే ‘హేట్’ మెసేజులు వస్తున్నాయి.. అందుకే నా ఫోటోలు అప్లోడ్ చేయడం మానేశాను. నేను సన్నగా ఉన్నా.. లావుగా ఉన్నా ఒకే.. ఒంపులు ఉన్నా ఒకే. బక్కగా ఒంపులు లేకున్నా ఒకే.. కానీ ఇలా ఒకరిని కామెంట్లు చేయడం మాత్రం నాట్ ఒకే” అంటూ పెద్ద కామెంట్ పెట్టింది. ఇప్పుడు ఈ ఫొటోతో పాటూ.. ఈ కామెంట్లు కూడా తెగ వైరలవుతున్నాయి.
