అందం, అదృష్టం, అభినయం వంటి అంశాలన్నీ పుష్కలంగా ఉన్న హీరోయిన్లకు కూడా ఒక్కోసారి గ్రహచారం బాగోలేకో లేక కథల ఎంపిక విషయంలో జాగ్రత్త తీసుకోకపోవడం వలనో తెలియదు కానీ.. సరైన అవకాశాలు దక్కించుకోలేక వెనుకబడిపోతుంటారు. ఆ విధంగా అందం, అభినయ సామర్ధ్యం అన్నీ పుష్కలంగా ఉన్నప్పటికీ.. సరైన దేహాకృతిని మెయింటైన్ చేయకపోవడం వలన ఆఫర్లు కోల్పోయిన నటి మెహరీన్. “కృష్ణగాడి వీరప్రేమగాధ, మహానుభావుడు, రాజా ది గ్రేట్” చిత్రాలతో పాపం హ్యాట్రిక్ హిట్ అందుకొన్నానన్న ఆనందాన్ని ఎంజాయ్ చేసేలోపే “కేరాఫ్ సూర్య, జవాన్, పంతం, నోటా, కవచం” లాంటి వరుస డిజాస్టర్ల కారణంగా ఒక్కసారిగా రేస్ లో వెనుకబడింది. “ఎఫ్ 2” పుణ్యమా అని సూపర్ హిట్ కొట్టినా ఆ సినిమాలో అమ్మడి నటనకు వచ్చిన నెగిటివ్ ఫీడ్ బ్యాక్ గురించి ప్రత్యేకంగా చెప్పాల్సిన అవసరం లేదు.
ఆమె కథానాయికగా నటించిన “చాణక్య” ఈ శుక్రవారం విడుదలవుతుండగా.. ఆమె సినిమాతోపాటు డిజిటల్ ప్లాట్ ఫార్మ్ మీద కూడా తన అదృష్టాన్ని పరీక్షించుకోవాలని పరితపిస్తోంది. ఇటీవల సమంత కూడా ఒక వెబ్ సిరీస్ లో నటించడానికి ఒకే చెప్పి ఉండడంతో.. ఆమెను స్ఫూర్తిగా తీసుకొన్న మెహరీన్ కూడా ఒక వెబ్ సిరీస్ సైన్ చేసిందట. ఆ వివరాలు త్వరలోనే తెలుస్తాయి.
‘సైరా’ నరసింహారెడ్డి లో ఆకర్షించే అంశాలు ఇవే!
‘బిగ్ బాస్ 3’ హౌస్ మేట్స్ ను సినిమా పోస్టర్లతో పోలిస్తే?
