‘అర్జున్ రెడ్డి’ సినిమా ఎంత హిట్టయినప్పటికీ.. విజయ్ దేవరకొండ ఎంత పెద్ద స్టార్ గా ఎదగడానికి సహాయ పడినప్పటికీ.. కొంతమంది ఫెమినిస్ట్ లు ఈ చిత్రంలో హింస ఎక్కువగా చూపించారు.. స్త్రీలను కించపరిచే విధంగా బూతులు ఉన్నాయి అంటూ గొడవలు పెడుతూనే ఉన్నారు. ఇప్పుడు ఈ లిస్ట్ లోకి మలయాళ నటి పార్వతి కూడా చేరింది. ‘ ‘అర్జున్ రెడ్డి’ ప్రేమలో హింసను గొప్ప విషయంగా చూపించారు.. పైగా చాలామంది జనాలు అది సాధారణం అన్నట్టుగా స్పందించడం సరికాదు. ‘జోకర్’ సినిమాలో హింసను గ్లోరిఫై చెయ్యలేదు.. అదే ‘అర్జున్ రెడ్డి’.. ‘కబీర్ సింగ్’ లో అయితే హింసను అదేదో ఒక గొప్ప విషయంగా చూపించారు. దానికి తోడు చెంపదెబ్బలు కొట్టుకుంటేనే ఒక రిలేషన్ లో తీవ్రత ఉన్నట్టు లేకపోతే లేనట్టుగా చెప్పడం కూడా సరి కాదు’ అంటూ చెప్పుకొచ్చింది. ఈ క్రమంలో ఈమెకు సోషల్ మీడియా నుండీ చాలా వరకూ మద్దతు లభించడం జరిగింది. అంతేకాదు చాలా డిస్కషన్లు కూడా జరుగుతున్నాయి.
ఈ క్రమంలో విజయ్ దేవరకొండ కూడా ఈ అంశం పై స్పందించాడు. “ఇలాంటి కామెంట్స్ వల్ల నాకు చాలా విసుగుపుడుతోంది. ఒక జంట ఏదో ఒక సందర్భంలో చెంప దెబ్బ కొట్టుకోవచ్చు.. అలాంటి జంటలు ‘అర్జున్ రెడ్డి’ చిత్రాన్ని ఓపెన్ గా అర్థం చేసుకోగలరు. అదే ఒక వ్యక్తి చిన్నతనం నుండీ తల్లిదండ్రుల కొట్లాటలు చూస్తూ పెరిగి ఉంటే.. వాళ్ళకు ఇదంతా హింసలాగా భయంకరంగా అనిపిస్తుంది. నేను ఎప్పుడూ పక్కవారిని అర్థం చేసుకునేందుకు ప్రయత్నిస్తుంటాను. ఈ ప్రశ్నల వెనుక ఒక నిజమైన ఆందోళన ఉందని నా భావన. పార్వతి అడిగిన విషయాలను నేను తప్పుగా అనుకోను. ఆమె వర్క్ నాకు బాగా ఇష్టం. అయితే సోషల్ మీడియాలో ఈ అంశం పై జరుగుతున్న డిస్కషన్లు నాకు నచ్చడం లేదు. వారేం మాట్లాడుతున్నారో వారికే తెలియట్లేదు.. అంటూ విజయ్ నెటిజెన్ల పై ఇండైరెక్ట్ గా ఫైర్ అయ్యాడు.
ఈ సెలబ్రిటీలకు వచ్చిన జబ్బులు పేరు వినడానికే కొత్తగా ఉన్నాయి..!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!
