సౌత్ హీరోల మీద, సౌత్ ఇండస్ట్రీ మీద కామెంట్స్ చేస్తూ బాలీవుడ్ మీడియాలో ఎప్పుడు హైలైట్ అవుతుండే రాధిక ఆప్టే మంచి నటి అన్న విషయం ప్రత్యేకించి చెప్పాల్సిన అవసరం లేదు. అయితే.. ఆమె కొందరు హీరోలు, దర్శకనిర్మాతల కారణంగా ఎదుర్కొన్న సమస్యలు ఆమెను తెలుగు చిత్రసీమ నుంచి దూరం చేశాయి. బాలీవుడ్ లో విరివిగా సినిమాలు చేస్తోంది. అయితే.. కమర్షియల్ హీరోయిన్ గా మాత్రం పేరు తెచ్చుకోలేకపోయింది. అలాగే.. హీరోయిన్ గానూ స్టార్ హీరోల సరసన అవకాశాలు దక్కించుకోలేకపోయింది.
రీసెంట్ గా తాను బాలీవుడ్ లో కథానాయికగా కొనసాగుతుండడం పట్ల బాలీవుడ్ మీడియాకి ఒక ఇంటర్వ్యూ ఇచ్చిన రాధిక ఆప్టేను “మీరెప్పుడు ప్రొడక్షన్ లోకి దిగుతున్నారు?” అని ప్రశ్నించగా.. “నేను ఇంకా అంత డబ్బు సంపాదించలేదు. నేను నాకు నచ్చిన సినిమాలు మాత్రమే ఒకే చేస్తున్నాను. అందువల్ల మీరు ఊహిస్తున్నంత డబ్బేమీ రావడం లేదు”. సో ఇప్పుడప్పుడే నిర్మాతగా మారే అవకాశం లేదని క్లారిటీ ఇచ్చింది రాధిక ఆప్టే.
