యంగ్ రెబల్ స్టార్ ప్రభాస్ బాహుబలి తర్వాత డైరక్టర్ సుజీత్ దర్శకత్వంలో సాహో సినిమా చేస్తున్న సంగతి తెలిసిందే. యూవీ క్రియేషన్స్ బ్యానర్ పై భారీ బడ్జెట్ తో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ సినిమా రెండో షెడ్యూల్స్ విజయవంతంగా పూర్తిచేసుకుంది. మూడో షెడ్యూల్ ప్రస్తుతం దుబాయి లోని అబుదాబి లో సాగుతోంది. మిషన్ ఇంపాజిబుల్ వంటి అనేక హిట్ సినిమాలకు పనిచేసిన హాలీవుడ్ ఫైట్ మాస్టర్ కెన్నీ బేట్స్ ని ఆధ్వర్యంలో ఈ యాక్షన్ సీక్వెన్స్ తెరకెక్కిస్తున్నారు. ఈ షూటింగ్ లో బాలీవుడ్ నటి శ్రద్దా కపూర్ కూడా జాయిన్ అయ్యారు. ఈ సందర్భంగా ఆమె మరో మారు ప్రభాస్ క్వాలిటీస్ గురించి ప్రస్తావించారు.
“ప్రభాస్ ఎప్పుడూ సరదగా ఉంటారు. స్టార్ డమ్ తో పని లేకుండా సాధారణంగా మెలుగుతారు. ప్రభాస్ ఎప్పుడూ అందరికి అందుబాటులోనే ఉంటారు, ఆయన్ను చేరుకోవడం చాలా సులభం. ఆయనలోని ఆ క్వాలిటీ నన్ను బాగా ఇంప్రెస్ చేసింది” అని వివరించారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు సాహోకి సంగీతాన్ని అందిస్తున్నారు. విలన్ గా నీల్ నితిన్ ముకేష్, మరికొన్ని కీలక పాత్రలో చుంకే పాండే, జాకీష్రాఫ్, మహేష్ మంజ్రేకర్, మందిర బేడీ, టిన్ను ఆనంద్ లు నటిస్తున్న ఈ సినిమాకోసం ప్రభాస్ అభిమానులు ఎంతగానో ఎదురుచూస్తున్నారు.
