సినీ పరిశ్రమలో క్వీన్ అంటే కంగనా రనౌత్ పేరు ముందుగా గుర్తుకు వస్తుంది. అంతలా క్వీన్ సినిమాలో ఆమె నటనతో అందరినీ ఆకట్టుకుంది. బాలీవుడ్ లో ఈ మూవీ సూపర్ హిట్ కావడంతో దానిని దక్షిణాది అన్ని భాషల్లో రీమేక్ చేయడానికి ఫిలిం మేకర్స్ సిద్ధంగా ఉన్నారు. తెలుగు, తమిళం, కన్నడ, మలయాళ భాషల్లో క్వీన్ గా నటించడానికి హీరోయిన్స్ ఎంపిక పూర్తి అయింది. తెలుగులో తమన్నా, తమిళంలో కాజల్ అగర్వాల్, కన్నడలో పారుల్ యాదవ్, మలయాళంలో మంజిమా మోహన్ లు క్వీన్ గా మెప్పించడానికి రెడీగా ఉన్నారు.
అయితే కంగనా నటించినట్లు వీరెవరూ నటించలేరని సినీ విమర్శకులు అభిప్రాయపడుతున్నారు. ఎందుకంటే ఈ నలుగురిలో ఎవరికీ సినిమాని ఒంటిచేత్తో నడిపించే శక్తి లేదనేది వారి వాదన. పాటలు, కొన్ని రొమాన్స్ సీన్స్ చేసే ఈ బ్యూటీస్ బరువైన పాత్రని మోయలేరని విమర్శిస్తున్నారు. అభిమానులు మాత్రం తమ హీరోయిన్స్ అద్భుతంగా నటిస్తారని ధీమా వ్యక్తం చేస్తున్నారు. కంగనా కంటే కాజల్, తమన్నా, మంజిమ మోహన్ లు క్వీన్ పాత్రలో ఒదిగిపోతారని చెబుతున్నారు. మరి ఎవరి వాదన కరక్ట్ అవుతుందో చూడాలంటే మరికొన్ని రోజులు ఆగాలసిందే.
Also, do SUBSCRIBE to our YouTube channel to get latest Tollywood updates.
