“డాక్టర్ అవ్వబోయి.. యాక్టర్ అయ్యాను” అనే మాట మన హీరోహీరోయిన్ల దగ్గర అప్పుడప్పుడూ వింటూనే ఉంటాం. కానీ.. నేను మాత్రం డైరెక్టర్ అవుదామని వచ్చి యాక్టర్ అయ్యాను అంటున్నాడు చాక్లేట్ బోయ్ రాహుల్ రవీంద్రన్. “అందాల రాక్షసి” సినిమాతో టాలీవుడ్ కి పరిచయమైన ఈ అందగాడు.. తర్వాత హీరోగా చేసిన సినిమాల్లో “అలా ఎలా” మినహా మరొకటి విజయం సాధించలేదు. పైగా.. మహేష్ “శ్రీమంతుడు” సినిమాలో ఓ ముఖ్యపాత్ర పోషించేసరికి.. హీరో ఆఫర్లు తగ్గిపోయి క్యారెక్టర్ రోల్స్ ఎక్కువగా వస్తుండడంతో రాహుల్ కెరీర్ కి కాస్త బ్రేక్ పడింది.
అదే సమయంలో ఉన్నట్లుండి.. “సుశాంత్ హీరోగా ఒక సినిమా తీస్తున్నాను” అంటూ ట్విట్టర్ ద్వారా ఎనౌన్స్ చేశాడు రాహుల్. దాంతో హీరోగా ఆఫర్లు లేకపోవడం వల్లే ఇలా డైరెక్షన్ మీద పడ్డాడు అనుకొన్నవారు లేకపోలేరు. వారి నోళ్ళు మూయించడానికే తాను నటిస్తున్న “దృష్టి, హౌరా బ్రిడ్జ్” సినిమా ఫస్ట్ లుక్ పోస్టర్స్ ను వారం గ్యాప్ లో విడుదల చేయించాడు. నటుడిగా సినిమాలు చేస్తూనే.. అవసరాల శ్రీనివాస్ తరహాలో అప్పుడప్పుడు డైరెక్షన్ చేస్తానని, అంతే తప్ప అవకాశాల్లేక మెగాఫోన్ పట్టట్లేదాని క్లారిటీ ఇచ్చాడు రాహుల్.
Also, do SUBSCRIBE to our YouTube channel to get latest Tollywood updates.
