‘ఎక్కడికి పోతావు చిన్నవాడా’తో సూపర్ హిట్ సొంతం చేసుకొన్న వి.ఐ.ఆనంద్ ఇవాళ అల్లు శిరీష్ కథానాయకుడిగా నటించిన “ఒక్క క్షణం”తో మరో డీసెంట్ హిట్ ను తన ఖాతాలో వేసుకొని డైరెక్టర్ గా తన స్టామినా ఏమిటనేది ప్రూవ్ చేసుకొన్నాడు. వరుసబెట్టి రెండు సినిమాలు సక్సెస్ సాధించడంతో తన తదుపరి చిత్రాన్ని ఒక స్టార్ హీరోతో తీసి తన రేంజ్ పెంచుకోవాలని ఆలోచిస్తున్నాడు. ఆల్రెడీ “ఎక్కడికి పోతావు చిన్నవాడా, ఒక్క క్షణం” చిత్రాల తరహాలో ఒక వైవిధ్యమైన కాన్సెప్ట్ కూడా రెడీ చేసుకొన్నాడట. అయితే.. వి.ఐ.ఆనంద్ కి అల్లు అర్జున్ తో చేసే అద్భుతావకాశం వరించినట్లు టాక్. అయితే.. అది వి.ఐ.ఆనంద్ కథతో కాదట.
గతంలో మంచు మనోజ్ తో ‘మిస్టర్ నూకయ్య’ సినిమా చేసిన దర్శకుడు అని కన్నెగంటి, ఇటీవల అల్లు అర్జున్ ను కలిసి ఒక కథ చెప్పాడట. బన్నీకి ఆ కథ నచ్చడంతో భారీ మొత్తం చెల్లించి కొనేశాడంటూ వార్తలు వచ్చాయి. తాను హీరోగా ఆ కథను తెరకెక్కించే బాధ్యతను ఆయన వి.ఐ.ఆనంద్ కి అప్పగించినట్టుగా చెప్పుకుంటున్నారు. ఒకరిద్దరు దర్శకులకు బన్నీ ఆల్రెడీ గ్రీన్ సిగ్నల్ ఇచ్చేసి ఉన్నప్పటికీ, ‘నా పేరు సూర్య’ తరువాత సినిమాను మాత్రం వి.ఐ.ఆనంద్ తోనే చేయనున్నాడని అంటున్నారు. మరి “ఒక్క క్షణం” సినిమా సక్సెస్ అయ్యింది కాబట్టి అల్లు అర్జున్ తో సినిమాకి సంబంధించిన అఫీషియల్ ప్రెస్ నోట్ లేదా ఎనౌన్స్ మెంట్ త్వరలో వచ్చే అవకాశాలు పుష్కలంగా ఉన్నాయి.
