సౌత్ ఇండియన్ సూపర్ స్టార్ రజనీకాంత్, కమర్షియల్ డైరక్టర్ శంకర్ కలయికలో వచ్చిన రోబో సంచలన విజయం సాధించింది. మళ్లీ అదే కాంబినేషన్లో తెరకెక్కిన మరో కళాఖండం 2.0. అయితే రోబోలో ఐశ్వర్య రాయ్ హీరోయిన్ గా నటిస్తే.. ఇందులో ఎమీజాక్సన్ కథానాయికగా నటిస్తోంది. బాలీవుడ్ యాక్షన్ హీరో అక్షయ్ కుమార్ విలన్ గా నటిస్తున్న ఈ సినిమా షూటింగ్ పూర్తి చేసుకొని పోస్ట్ ప్రొడక్షన్ వర్క్ జరుపుకుంటోంది. 450 కోట్ల భారీ బడ్జెట్తో లైకా ప్రొడక్షన్స్ సంస్థ నిర్మిస్తోన్నఈ మూవీ ఫస్ట్‌లుక్‌ను ముంబయిలో, ఆడియోను అబుదబిలో విడుదల చేశారు.
ఈ సినిమాని ఏప్రిల్ 27 న ప్రేక్షకుల ముందుకు తీసుకురావాలని శంకర్ అనుకున్నారు. గ్రాఫిక్స్, విజువల్ ఎఫెక్ట్స్ పనులు ఆలస్యం అవుతుండడంతో రిలీజ్ వాయిదా వేశారు. దీంతో అభిమానులు నిరుత్సాహపడ్డారు. నిరాశలో ఉన్న అభిమానులకు ఉత్సాహం కలిగించే ఆసక్తికర విషయం బయటికి వచ్చింది. ఈ సినిమాలో అందాల తార ఐశ్వర్యరాయ్ కూడా ఒక ముఖ్యమైన పాత్రలో కనిపించనుందని సమాచారం. ఆడియన్స్ ని సర్ఫరైజ్ చేయాలనీ ఈ విషయాన్నీ శంకర్ దాచినట్లు తెలిసింది. మరి ఆమె రోల్ ఏంటి? ఎలా కనిపించనుందో… చూడాలని ప్రపంచవ్యాప్తంగా అభిమానులు ఎదురుచూస్తున్నారు.
