టాలీవుడ్ టాప్ హీరోల్లో ఒకరైన పవర్ స్టార్ పవన్ కల్యాణ్ ‘అక్కడ అమ్మాయి… ఇక్కడ ఆబ్బాయి’ సినిమాతో టాలీవుడ్ లోకి అడుగుపెట్టాడు. అయితే వరుస పరాజయాలతో ఒక్కో సినిమా చేసుకుంటూ ముందుకు సాగుతున్న పవన్ ను టాలీవుడ్ లో టాప్ హీరోగా నిలిపిన చిత్రం ‘ఖుషీ’ చిత్రం. ఈ సినిమా అప్పట్లో సూపర్ డూపర్ హిట్ అవ్వడమే కాకుండా పవన్ కు మంచి పేరు కూడా తెచ్చిపెట్టింది.
ఇదిలా ఉంటే ఈ సినిమాలో సూపర్ డూపర్ ఫైట్ ఒకటి ఉంటుంది. ఆ ఫైట్ లో కనిపించిన అజయ్ ఇప్పుడు బెస్ట్ ఆర్టిస్ట్ గా పేరు తెచ్చుకున్నాడు. వరుస సినిమాలు చేస్తూ బిజీ ఆర్టిస్ట్ గా ఉన్నాడు. అయితే ఆ సినిమాలో ఆ సీన్ లో పవన్ తో గోడవపెట్టుకుంటాడు అజయ్. అదంతా అప్పటికీ ముగిసిన కధ అనుకుంటే….ఇప్పుడు అజయ్ మరోసారి పవన్ తో గొడవకు దిగడానికి సిద్దం అవుతున్నాడు… ఇంతకీ ఏంటి ఆ గొడవ అంటే…పవన్ కళ్యాన్ మరోసారి ఎస్.జె.సూర్య దర్శకత్వంలో నటిస్తున్న సంగతి తెలిసిందే…ఈ నేపథ్యంలోనే ఈ మూవీకి సంబంధించి ఓ ఆసక్తికరమైన వార్త వెలుగులోకి వచ్చింది.
ఈ సినిమాలో పవన్ ఓ పవర్‌ఫుల్ ఫ్యాక్షన్ లీడర్‌గా కనిపిస్తుండగా విలన్ గా అజయ్ ని తీసుకోవాలని నిర్ణయించారట. గతంలో ఖుషి చిత్రంలో వీరిద్దరి చిన్న సన్నివేశంలో కనిపించినా..ఇప్పుడు పూర్తి తరహా విలన్ గా కనిపించబోతున్నాడట. ఇక ఇప్పటికే ఈ పాత్ర విషయంలో త్వరలోనే క్లారిటీ రానుంది అన్న వార్తలు సైతం వినిపిస్తున్నాయి. మరి ఈ కలియక ఎంతటి హిట్ గా నిలుస్తుందో చూద్దాం.
