తమిళనాట అజిత్ ఎదురులేని సూపర్ స్టార్. అతని సమకాలీనులైన విజయ్, సూర్య వంటి వారు కూడా అజిత్ సినిమా రిలీజ్ అంటే తమ సినిమా ఫస్ట్ కాపీ రెడీగా ఉన్నా.. ఒక నెలరోజులు వాయిదా వేసేస్తారు. ఎలాంటి అభిమాన సంఘాలు లేకపోయినా, సినిమాకి సంబంధించి ఎలాంటి ప్రమోషనల్ యాక్టివిటీస్ లో పాలుపంచుకోకపోయినా.. అశేషమైన క్రేజ్ ఉన్న అజిత్ కి అక్కడ ఉన్న క్రేజ్ అలాంటిది. దానికి తోడు అజిత్ మునుపటి చిత్రాలు “వీరమ్” (తెలుగులో “వీరుడొక్కడే”), “అర్రంభమ్” (తెలుగులో “ఆరంభం), ఎన్నాయ్ ఆరిందాల్ (తెలుగులో “ఎంతవాడు గానీ”), “వేదాలమ్” సాధించిన హిట్స్ అలాంటివి. “వేదాలమ్” కూడా వర్షాలు-వరదల కారణంగా భారీ కలెక్షన్స్ సాధించలేకపోయింది కానీ.. ఆ వరదలు రాకుంటే వంద కోట్ల క్లబ్ లో ఈజీగా ప్లేస్ సంపాదించేసేది.
అలాంటి భారీ క్రేజ్ ఉన్న అజిత్ కి తెలుగులో మాత్రం కనీస స్థాయి మార్కెట్ కూడా లేదు. అందుకు కారణం ముందు నుంచీ ఆయన తెలుగు మార్కెట్ పై దృష్టి సారించకపోవడమే. అయితే.. ఆయన తాజా చిత్రం “వివేగమ్” (తెలుగులో “వివేకం”)కు విపరీతమైన క్రేజ్ ఉంది. విడుదలైన టీజర్-సాంగ్స్ వల్ల తెలుగులోనూ ఈ సినిమాకి మంచి క్రేజ్ వచ్చింది. ఈ సినిమా కనుక హిట్ అయితే.. అజిత్ కి తెలుగులోనూ సాలిడ్ గా కాకపోయినా మినిమమ్ మార్కెట్ ఏర్పడడం అనేది ఖాయం. సో, రేపు విడుదలవ్వనున్న “వివేకం” ఆయన తమిళ మార్కెట్ ను మాత్రమే కాక తెలుగు మార్కెట్ కు కూడా కీలకం కానుంది. మరి సినిమా రిజల్ట్ ఏంటో తెలియాలంటే ఇంకొన్ని గంటలు ఆగాల్సిందే.
Also, do SUBSCRIBE to our YouTube channel to get latest Tollywood updates.
