తెలుగు చిత్ర పరిశ్రమలోని టాప్ హీరోల్లో సూపర్ స్టార్ మహేష్ బాబు ఒకరు. ఆయన తొలిసారిగా ద్విభాషా చిత్రాన్ని చేస్తున్నారు. తమిళ డైరక్టర్ ఏఆర్ మురుగదాస్ దర్శకత్వంలో తెరకెక్కుతోన్న ఈ మూవీ దాదాపు ఎనభై శాతం షూటింగ్ పూర్తి చేసుకుంది. వందకోట్ల బడ్జెట్ తో ఠాగూర్ మధు, ఎన్వీ ప్రసాద్ నిర్మిస్తున్న ఈ చిత్రాన్ని మొదట వేసవికి రిలీజ్ చేయాలనుకున్నారు. అప్పుడే బాహుబలి కంక్లూజన్ వస్తుండడంతో పోస్ట్ పోన్ చేసుకున్నారు. ఏ స్టార్ హీరో చిత్రం రిలీజ్ కానీ సమయంలో జూన్ 23 న మహేష్ చిత్రం వస్తున్నట్లు నిర్మాతలు ప్రకటించారు. సరైన సమయాన్నే ఎంచుకున్నారని మహేష్ అభిమానులు సంబర పడే లోపున ఓ ఓ చిక్కు వచ్చి పడింది.
తమిళం లో అదే రోజున అజిత్ కుమార్ నటించిన “వివేగం” విడుదల చేస్తున్నట్లు ఆ చిత్ర బృందం వెల్లడించింది. అజిత్ కి అక్కడ మంచి ఫాలోయింగ్ ఉంది. అతని సినిమా వచ్చిన రోజు ఇతర చిత్రాలకు థియేటర్లు దొరకడం కూడా కష్టమవుతుంది. దొరికినా కలక్షన్స్ పై భారీ ప్రభావం చూపిస్తుంది. కోలీవుడ్ లో సూపర్ హిట్ మూవీతో ఎంట్రీ కావాలని కలలు కన్న ప్రిన్స్ కి ఇది మింగుడు పడడం లేదు. చిత్ర బృందం అయితే ఏమి చేయాలో తెలియక తల పట్టుకు కూర్చింది. ఒక వారం ముందుగా రావాలా? లేదా అజిత్ తో పోటీ పడాలా ? అని ఆలోచిస్తోంది. దీనిపై త్వరలోనే మురుగదాస్ స్పందించనున్నారు.
Also, do SUBSCRIBE to our YouTube channel to get latest Tollywood updates.
