అక్కినేని వంశ మూడోతరం నటవారసుడు అఖిల్ కథానాయకుడిగా పరిచయం చిత్రం “అఖిల్”తో దారుణంగా విఫలమయ్యాడు. అయినప్పటికీ తనకున్న బలమైన కుటుంబ నేపధ్యం పుణ్యమా అని సెకండ్ సినిమా చర్చల్లో ఉన్నాడు. అయితే.. అఖిల్ ప్రస్తుతం తన తదుపరి సినిమాకంటే తన ప్రేమ వ్యవహారం మీదే ఎక్కువ దృష్టి సారిస్తున్నాడని తెలుస్తోంది.
అఖిల్ ప్రస్తుతం తనకు సన్నిహితురాలైన యువతితో డేటింగ్ చేస్తున్నాడట. ఈ విషయాన్ని మనోడు స్వయంగా ఇవాళ ఓ ఆంగ్ల పత్రికకు తెలిపాడు. ప్రస్తుతం అఖిల్ స్టేట్ మెంట్ ఫిలిమ్ నగర్ లో హల్ చల్ చేస్తోంది. అసలు అఖిల్ ప్రేమిస్తున్న ఆ అమ్మాయి ఎవరు? సన్నిహితురాలు అని చెప్పాడూ కాబట్టి నాగార్జునకు కూడా ఈ విషయం తెలుసా? ఆ అమ్మాయి కుటుంబ సభ్యులతో నాగార్జునకు కూడా పరిచయముందా? అని అందరూ తెగ ఆలోచించేస్తున్నారు!
