నవ మన్మధుడు అఖిల్ అక్కినేని మొదటి సినిమా అఖిల్ నిరాశపరిచినప్పటికీ అభిమానుల్లో క్రేజ్ మాత్రం కొంచెం కూడా తగ్గలేదు. నిన్న కరీంనగర్ లో ఓ షాపింగ్ మాల్ ప్రారంభానికి హాజరైన అఖిల్ ని చూసేందుకు అభిమానులు పోటెత్తారు. ఈ కార్యక్రమం అఖిల్ పై ఉన్న క్రేజ్ ని వెల్లడించింది. అంతేకాదు అఖిల్ చేతి మీద టాటూ చర్చకు దారి తీసింది. ప్రస్తుతం టాలీవుడ్ లో ఈ విషయం హాట్ టాపిక్ అయింది. పొడవైన బాణం, దాని ముందు 8 అనే అంకె తో ఉన్న ఈ టాటూ తన కొత్త సినిమా కోసమేనా? అనే సందేహం అందరిలో కలుగుతోంది. అఖిల్ ప్రస్తుతం దర్శకుడు విక్రమ్ కుమార్ దర్శకత్వంలో సినిమా చేస్తున్నారు.
ఇతనికి భావోద్వేగాలను తెరపైన పండించడమే కాదు.. అంకెలకు సినిమాలో ప్రాధాన్యం ఇవ్వడం చాలా ఇష్టం. విక్రమ్ గుర్తింపు తీసుకువచ్చిన 13 బి , 24 సినిమాలు నెంబర్ చుట్టూనే తిరుగుతాయి. అదే బాటలో అఖిల్ రెండో సినిమా కూడా 8 అనే అంకె చుట్టూ నడుస్తుందా..? అన్న అనుమానాలు కలుగుతున్నాయి. మరి ఈ టాటూ ఎందుకు అఖిల్ వేయించుకున్నారో తెలియాలంటే కొన్ని రోజులు ఆగాల్సిందే.
Also, do SUBSCRIBE to our YouTube channel to get latest Tollywood updates.
