అక్కినేని ఫ్యామిలీ చిత్రం “మనం”లో అఖిల్ కాసేపు కనిపించినా ఎంట్రీ మాత్రం అదిరి పోయింది. అఖిల్ ని గ్రాండ్ గా చూపించిన విక్రమ్ కుమార్ దర్శకత్వంలోనే ఇప్పుడు రీ లాంఛ్ కాబోతున్నారు. అక్కినేని ప్రిన్స్ హీరోగా నటించిన మొదటి చిత్రం “అఖిల్” నిరాశ పరచడంతో రెండో చిత్రం విషయంలో చాలా ఆలోచించారు. చివరికి తమ కుటుంబనాకి క్లాసిక్ హిట్ ఇచ్చిన విక్రమ్ కుమార్ తో అఖిల్ మూవీని ఒకే చేశారు నాగార్జున.
మొన్నటి వరకు ప్రీ ప్రొడక్షన్ వర్క్ లో బిజీగా చిత్ర బృందం తాజాగా కొత్త నిర్ణయం తీసుకుంది. జనవరి 4వ తేదీ నుంచి ఈ సినిమా షూటింగును ప్రారంభించడానికి సిద్ధమైంది. అన్నపూర్ణ స్టూడియోలో మొదలుకానున్న మొదటి షెడ్యూల్ ఎనిమిది రోజుల పాటు సాగుతుందని సమాచారం. ఇష్క్, మనం, 24 సినిమాల హిట్లతో హ్యాట్రిక్ అందుకున్న విక్రమ్ కుమార్ దర్శకత్వంలో తెరకెక్కనుండడంతో దీనిపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
