అఖిల్ ఈ సారి కచ్చితంగా బ్లాక్ బస్టర్ కొట్టాలని సేఫ్ గేమ్ ప్లాన్ చేసాడు. ఇందులో భాగంగా… ‘గీతా ఆర్ట్స్’ బ్యానర్లో తన నాలుగవ సినిమా చేయడానికి రెడీ అయ్యాడు. బొమ్మరిల్లు భాస్కర్ డైరెక్ట్ చేస్తున్న ఈ చిత్రం పూజా కార్యక్రమాలు జరుపుకుని చాలా రోజులయ్యింది. అయితే రెగ్యులర్ షూటింగ్ మాత్రం ఇంకా మొదలు కాలేదు. ఈ విషయం పై అఖిల్ చాలా అసంతృప్తితో ఉన్నాడట. హీరోయిన్ దగ్గర్నుండీ సహా నటీనటుల వరకూ ఇంకా ఎవర్నీ ఫైనలైజ్ చేయలేదట నిర్మాతలు. ఇందులో ఇద్దరు హీరోయిన్లు ఉంటారట. ఒక క్రేజీ హీరోయిన్ ను అలాగే ఓ కొత్త అమ్మాయిని తీసుకోవాలని అనుకున్నారట.
ఈ క్రమంలో కియారా అద్వానీ, పూజా హెగ్దే పేర్లు వినిపించాయి. ఇప్పుడు రష్మిక మందన పేరు కూడా ప్రచారంలో ఉంది. కానీ ఇంకా ఫైనలైజ్ చేయలేదట. హీరోయిన్ సంగతి పక్కన పెడితే సినిమాటోగ్రాఫర్ ను కూడా ఫైనల్ చేయలేదట. దర్శకుడు భాస్కర్, నిర్మాత బన్నీ వాసు ఈ విషయంలో కూడా ఇంకా ఫైనలైజ్ డెసిషన్ తీసుకోలేదు. ఇదిలా ఉంటే.. సాయి తేజ్, మారుతి కాంబినేషన్లో తెరకెక్కుతున్న సినిమా విషయంలో మాత్రం చాలా ఫాస్ట్ గా ఉన్నారట.
అఖిల్ సినిమాను మాత్రం ఓపెనింగ్ తోనే ఆపేసారు. ఇవన్నీ చూస్తుంటే అఖిల్ సినిమా ఏడాది వచ్చే అవకాశం లేనట్టే ఉంది అనే కామెంట్స్ కూడా వినిపిస్తున్నాయి.
