అక్కినేని కుటుంబానికి మనం వంటి సూపర్ హిట్ ఇచ్చిన విక్రమ్ కె కుమార్ అఖిల్ తో ఓ సినిమాని తెరకెక్కిస్తున్నారు. అన్నపూర్ణ స్టూడియో బ్యానర్లో అక్కినేని నాగార్జున 40 కోట్ల బడ్జెట్ తో తెరకెక్కుతోన్న ఈ సినిమా వేగంగా షూటింగ్ జరుపుకుంటోంది. అయితే ఆ చిత్రానికి సంబంధించిన వివరాలు పెద్దగా రివీల్ కాలేదు. కానీ నిన్న ఆ సినిమా స్టిల్ ఒకటి లీక్ అయింది. ఆ విషయాన్నీ వెంటనే గ్రహించిన అఖిల్ అధికారికంగా రిలీజ్ చేశారు. రోడ్డుపై పెద్ద గొడవ.. ఒకపక్క కార్లు తగలబడుతున్నాయ్‌. మరోపక్క భయంతో కొందరు పరుగులు పెడుతున్నారు. ఇంకొందరు అఖిల్ ని కొట్టడానికి రెడీ అయ్యారు. అఖిల్ కి ఓ అమ్మాయి ముద్దు పెడుతోంది. ఆ ముద్దు ఇచ్చిన పవర్ తో అఖిల్ కాలితో గట్టిగా రౌడీకి ఓ కిక్ ఇచ్చాడు.
అమ్మాయి కిస్.. అఖిల్ కిక్ .. రెండూ కలిసి ఈ స్టిల్ అభిమానులకు తెగ నచ్చేసింది. రొమాంటిక్ యాక్షన్ మూవీ అని ఈ ఒక్క స్టిల్ తో డైరక్టర్ చెప్పేసారు. అంతేకాదు హీరోయిన్ ఎవరు అనే ప్రశ్నకు కూడా సమాధానం దొరికింది. ప్రముఖ మళయాల దర్శకుడు ప్రియదర్శిన్ కుమార్తె కల్యాణిని అని అఖిల్ స్పష్టం చేసాడు. ఈ సినిమాకు సంబంధించిన టైటిల్ ను ఈ నెల 21న వెల్లడిస్తామని మరో శుభవార్త కూడా చెప్పాడు. “హలో గురు ప్రేమకోసమే”, “ఎక్కడ ఎక్కడ ఉందో తారక’, “రంగుల రాట్నం” అనే టైటిల్స్ పరిశీలనలో ఉన్నాయి. ఇందులో ఏ టైటిల్ ఫిక్స్ అవుతుందో తెలియదు. ఈ సినిమా మాత్రం డిసెంబర్‌ 22న థియేటర్లోకి వస్తుంది.
Also, do SUBSCRIBE to our YouTube channel to get latest Tollywood updates.
