పవర్ స్టార్, జనసేనా పవన్ కళ్యాణ్, రేణు దేశాయ్ ల కొడుకు అకిరా పుట్టిన రోజు వేడుక నిన్న (ఆదివారం) కుటుంబసభ్యుల మధ్య వేడుకగా సాగింది. రేణు దేశాయ్ పవన్ తో విడాకులు తీసుకున్న తర్వాత పూణేలో నివసిస్తున్న సంగతి అందరికీ తెలిసిందే. నిన్న బర్త్ డే సందర్భంగా పిల్లలతో కలిసి రేణు హైదరాబాద్ కి వచ్చారు. విజయవాడలో ఉన్న పవన్ కూడా కొడుకుని ఆశీర్వదించడానికి హైదరాబాద్ కి చేరుకున్నారు. ఇక మెగా ఫ్యామిలీ నుంచి రామ్ చరణ్ తన తమ్ముడు అకిరా పుట్టినరోజుని బాగా సెలబ్రేట్ చేశారు. దగ్గరినుండి ఈ వేడుకని నిర్వహించారు. కొన్నిరోజుల క్రితం చరణ్ పుట్టినరోజుకి పవన్ మెగాస్టార్ ఇంటికి వెళ్లి విష్ చేశారు.
ఇప్పుడు చరణ్ తన బాధ్యతను నెరవేర్చారు. ఈ కార్యక్రమానికి అల్లు అరవింద్ కుటుంబం నుంచి ఎవరూ రాలేదని సమాచారం. ఇక రామ్ చరణ్ తన తమ్ముడు అకిరా, చెల్లెలు ఆద్యతో కలసి ఉన్న ఫోటోని షేర్ చేశారు. అందులో పవన్ కళ్యాణ్ కూడా ఉన్నారు. ఈ ఫోటో చూసి మెగా అభిమానులను సంతోషపడుతున్నారు. ఈ ఫోటో సోషల్ మీడియాలో అత్యధిక లైకులు అందుకుంటోంది. మెగా కుటుంబసభ్యుల మధ్య ఈ అనుబంధం ఎప్పుడూ ఇలాగే ఉండాలని… అకిరా త్వరలో వెండితెరపై మరో పవర్ స్టార్ గా అవతరించాలని అభిమానులు కోరుకుంటున్నారు.
