అఖిల్ పెళ్లి వార్తలపై స్పందించిన అక్కినేని, దగ్గుబాటి కుటుంబాలు

అక్కినేని అఖిల్ తన బాల్య స్నేహితురాలైన శ్రీయ భూపాల్ ని ప్రేమించి పెళ్లి చేసుకోవాలనుకున్నాడు. నిశ్చితార్ధం వరకు వెళ్లిన వీరి బంధం.. తర్వాత బ్రేక్ అయింది. ఇప్పుడు ప్రేమ, పెళ్లి విషయాలు పక్కన పెట్టి హిట్ కొట్టాలని విక్రమ్ కుమార్ దర్శకత్వంలో మూవీ చేస్తున్నారు. అయితే అక్కినేని నాగార్జున తన పెద్ద కొడుకు నాగచైతన్య పెళ్లి తర్వాత అఖిల్ పెళ్లి చేయాలనుకుంటున్నారని, అందుకోసం అమ్మాయిని కూడా సెలక్ట్ చేసి పెట్టినట్లు ఈ మధ్య సోషల్ మీడియాలో వార్తలు చక్కర్లు కొడుతున్నాయి. విక్టరీ వెంకటేష్ పెద్దమ్మాయి ఆశ్రీతతో అఖిల్ పెళ్లి చేయడానికి దగ్గుబాటి, అక్కినేని కుటుంబాలు సిద్ధమయ్యాయని గాసిప్ గుప్పుమంది.

దీనిపై ఆ కుటుంబాలను సంప్రదించగా వారు పెళ్లి వార్తలను ఖండించారు. వెంకటేష్, నాగార్జున తమ పిల్లల పెళ్లి గురించి ఎప్పుడూ మాట్లాడుకోలేదని వెల్లడించారు. అఖిల్ ప్రస్తుతం సినిమాపై దృష్టి పెట్టారని ఇప్పట్లో పెళ్లి చేసుకొనే ఆలోచనే లేదని అక్కినేని కుటుంబ సభ్యులు చెప్పారు. ఇక ఆశ్రీత ప్రస్తుతం చదువుకుంటోందని, పెళ్లి, కెరీర్ విషయాలపై నిర్ణయాన్ని వెంకటేష్ దంపతులు ఆమెకే వదిలేసినట్లు వివరించారు. సో అఖిల్, అశ్రీతల పెళ్లి వార్తలు పూర్తిగా తప్పని తేలిపోయింది.

Also, do SUBSCRIBE to our YouTube channel to get latest Tollywood updates.