అక్కినేని ఇంట పెళ్లి సందడి నెల కొని ఉంది. తన చిన్న కుమారుడు అఖిల్ నిశ్చితార్థం చేసి పెళ్లి పనులు షురూ చేసిన అక్కినేని నాగార్జున, పెద్ద కొడుకుని కూడా పెళ్లి పీటలు ఎక్కించేందుకు సిద్ధమవుతున్నారు. సినిమాలో ప్రేయసి ప్రియుడిగా, భార్య భర్తలుగా కనిపించిన నాగ చైతన్య, సమంతలు నిజ జీవితంలోను ఆలుమగలు అయ్యే సమయం ఆసన్నమైంది. మరో రెండు రోజుల్లో వీరిద్దరి నిశ్చితార్థం వైభవంగా జరగనుంది. హైదరాబాద్ లోని ఓ ప్రయివేటు ఫంక్షన్ హాల్ ల్లో ఈ ఆదివారం (జనవరి 29 ) సాయంత్రం చైతూ, స్యామ్ ఎంగేజ్మెంట్ నిర్వహించనున్నారు. కింగ్ నాగార్జున ఇప్పటికే తన కుటుంబానికి ఆత్మీయులైన వారిని ఆహ్వానించడం పూర్తి చేశారు.
కొణిదెల, భూపాల్‌, ప్రభు ఫ్యామిలీలతోపాటు ఇంకా పలువురు సెలబ్రిటీలు ఈ వేడుకకు హాజరు కానున్నారు. ఈ కార్యక్రమంలోనే పెళ్లి ముహుర్తాన్ని కూడా ప్రకటించనున్నారు. వీరి పెళ్లి మొదట హిందూ సంప్రదాయం ప్రకారం జరగనుంది. అనంతరం సమంత పేరెంట్స్ కోరికమేరకు చర్చిలో ప్రభువు ఎదుట ఉంగరాలు మార్చుకోనున్నారు.
Also, do SUBSCRIBE to our YouTube channel to get latest Tollywood updates.
