తమ హీరో సినిమాకి సంబంధించి టీజర్, పోస్టర్స్ మొదలుకొని ఆడియో సాంగ్స్, ప్రీరిలీజ్ ఈవెంట్ అన్నీ సూపర్ గా ఉండాలని ప్రతి అభిమాని కోరుకొంటాడు. ఇప్పుడు ఈ ఎక్స్ పెక్టేషన్స్ దేవిశ్రీప్రసాద్ కి తలనొప్పిగా మారాయి. ఒకపక్క మహేష్ అభిమానులు “అన్నా మహేష్ అన్నకి బెస్ట్ ఆల్బమ్ ఇవ్వాలి” అని రోజూ ట్విట్టర్ లో రచ్చ చేస్తుండగా.. మరోపక్క “సరిలేరు నీకెవ్వరు”తోపాటు విడుదలవుతున్న “అల వైకుంఠపురములో” సినిమా పాటలు ఒక్కొక్కటీ బ్లాక్ బస్టర్ గా నిలవడం దేవిశ్రీప్రసాద్ కు ఎక్కడలేని టెన్షన్ ను తెచ్చిపెడుతున్నాయి.
ఇప్పటివరకూ అనిల్ రావిపూడి సినిమాలు హిట్ అయ్యాయి కానీ.. అతడి సినిమాలోని పాటలు హిట్ అయిన దాఖలాలు లేవు. అదే తరహాలో దేవిశ్రీప్రసాద్-మహేష్ బాబుల కాంబినేషన్ లో వచ్చిన “మహర్షి” పాటలు కూడా శ్రోతలను పెద్దగా ఆకట్టుకోలేకపోయాయి. దాంతో.. “సరిలేరు నీకెవ్వరు” పాటలు దేవిశ్రీప్రసాద్ కెరీర్ కు ప్రాణ సంకటంలా మారాయి. మరి దేవిశ్రీప్రసాద్ ఈ అంచనాలను తన పాటలతో ఆకట్టుకోగలుగుతాడో లేదో చూడాలి.
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!
