యశ్రాజ్ స్పై సినిమాటిక్ యూనివర్స్లో తొలి లేడీ సూపర్ స్టార్ అవకాశాన్ని అందుకుంది ఆలియా భట్. ‘ఆల్ఫా’ సినిమా ద్వారా శార్వరీ వాఘ్తో కలసి త్వరలో ఆలియా భట్ వెండితెరపై సీత చేసే లంకా దహనం చూపించబోతోంది. ఈ సినిమా విడుదల నేపథ్యంలో ఆలియా భట్ ఇటీవల మీడియాతో వరుసగా మాట్లాడుతోంది. ఈ క్రమంలో ఆమె చేసిన కొన్ని కామెంట్లు ఇప్పుడు సోషల్ మీడియాలో వైరల్ అవుతున్నాయి. ఎందుకంటే ఆ మాటలు ఆమె తనయ రాహా గురించి కాబట్టి.
సినిమా కుటుంబం నుండి బాలీవుడ్లో అడుగుపెట్టింది ఆలియా. దీంతో నెపోటిజం మరక ఆమె మీద పడింది. వారసత్వం కారణంగానే ఆమెకు వరుస అవకాశాలు వస్తున్నాయి అని కామెంట్లు చేస్తున్నారు. ఈ విషయమై ఆమె మాట్లాడుతూ నెపో కిడ్ కాబట్టే నాకు ఎక్కువ అవకాశాలు వస్తున్నాయని అనుకుంటారు. కానీ నా ప్రయాణం భిన్నమైంది. నా కెరీర్లోనూ బాలేని రోజులు, మానసికంగా కుంగిపోయిన రోజులు ఉన్నాయి అని చెప్పింది.
ఇక ఆమె పాప రాహా గురించి మాట్లాడుతూ.. రాహాకి సినిమాల్లో రాణించే లక్షణాలు ఉన్నాయి. కొన్నిసార్లు ఆమె సినిమాల కోసమే పుట్టింది అని అనిపిస్తుంటుంది. అంతేకాదు ఆమెకు ఇంకా చాలా విషయాలపై ఆసక్తి ఉంది. ప్రస్తుతం స్పోర్ట్స్లో చురుకుగా పాల్గొంటోంది. పాటలను ఆస్వాదిస్తుంది. డ్యాన్స్ నేర్చుకుంటోంది అని చెప్పింది. ఈ లెక్కన రాహా ఏమవుతుందో ఆమె చేతుల్లోనే ఉందని చెబుతూనే.. సినిమాల్లోకి రావడం గ్యారెంటీ అని చెప్పకనే చెప్పింది ఆలియా.
ఈ క్రమంలో తన చిన్నతనంలో ఎలా ఉండేది, సినిమాల గురించి ఆలోచన ఎలా వచ్చింది అనే విషయాలు కూడా ఆలియా చెప్పుకొచ్చింది. నటి అవ్వాలనే కల చిన్నతనంలోనే మొదలైందట. సినిమా ఇండస్ట్రీ గురించి తెలియకముందే అద్దం ముందు నటిస్తూ తెరపై ఎలా కనిపిస్తుందో అలా తను తాను ఊహించుకునేదట. గొవిందా, కరిష్మా కపూర్ పాటలు చూస్తూ డ్యాన్స్ మ్యాజిక్ ఎంజాయ్ చేసేదట. అందుకే చిన్నతనం నుండే కెమెరాకు, నటనకు దగ్గరగా ఉండేదానిని అని చెప్పింది.
