“పొగరు నా ఒంట్లో ఉంది.. హీరోయిజం నా ఇంట్లో ఉంది”.. అంటూ మెగాస్టార్ చిరంజీవి చెప్పిన డైలాగ్ లో వంద శాతం నిజముంది. మెగాస్టార్ ఇంట్లో ఇప్పటికే ఎనిమిదిమంది హీరోలున్నారు. ప్రస్తుతం వారందరూ బిజీగా ఉండడం విశేషం. చిరంజీవి తొలి స్వాతంత్ర సమరయోధుడిగా నటించడానికి కసరత్తులు చేస్తున్నారు. సైరా నరసింహా రెడ్డి మూవీ కోసం గుర్రం పై కత్తి ఫైట్స్ ప్రాక్టీస్ చేస్తున్నారు. పవర్ స్టార్ పవన్ కళ్యాణ్ త్రివిక్రమ్ దర్శకత్వంలో నటిస్తున్నారు. మెగా పవర్ స్టార్ రామ్ చరణ్ తేజ్ ప్రయోగానికి దిగారు. పాతికేళ్ల క్రితం కథలో నటిస్తున్నారు. సుకుమార్ దర్శకత్వంలో “రంగస్థలం 1985 ” చేస్తున్నారు. స్టైలిష్ స్టార్ అల్లు అర్జున్ సోల్జర్ గా అలరించడానికి కష్టపడుతున్నారు.
వక్కంతం వంశీ డైరక్షన్లో “నా పేరు సూర్య” చిత్రం కోసం ఊటీలో శ్రమిస్తున్నారు. సాయి ధరమ్ తేజ్ “జవాన్” గా హిట్ కొట్టాలని రాబోతున్నారు. ఈ చిత్రంతో పాటు వివి.వినాయక్ దర్శకత్వంలో మరో సినిమాను చేస్తున్నారు. అల్లు శిరీష్ కూడా విభిన్న కథతో పలకరించబోతున్నారు. విఐ.ఆనంద్ సినిమాతో చాలా బిజీగా ఉన్నారు. మెగా ప్రిన్స్ వరుణ్ తేజ్ బాబాయ్ సినిమా టైటిల్ తొలి ప్రేమ తో మరో ప్రేమ కథని చూపించడానికి రెడీ అవుతున్నారు. మరి వీరిలో ఎవరి మూవీ హిట్ అవుతుందో… ఇప్పుడే చెప్పలేము.
