యంగ్ రెబల్ స్టార్ ప్రభాస్ బాహుబలి సినిమాతోనే అనధికారికంగా ఎంట్రీ ఇచ్చారు. రాజమౌళి తెరకెక్కించిన ఈ మూవీ బాలీవుడ్ స్ట్రైట్ చిత్రాలకంటే ఎక్కువగా కలక్షన్స్ సాధించింది. బాహుబలి కంక్లూజన్ తర్వాత సుజీత్ దర్శకత్వంలో రూపుదిద్దుకుంటున్న సాహో కూడా ఏకకాలంలో తెలుగుతో పాటు హిందీ, తమిళ భాషల్లో నిర్మితమవుతోంది. యువీ క్రియేషన్స్ బ్యానర్లో భారీ బడ్జెట్ తో వంశీ, ప్రమోద్ లు నిర్మిస్తున్న ఈ చిత్రంలో హీరోయిన్ గా బాలీవుడ్ బ్యూటీ శ్రద్ధ కపూర్ నటిస్తోంది. ఈ మూవీ తర్వాత జిల్ ఫెమ్ రాధా కృష్ణ దర్శకత్వంలో ప్రభాస్ ఓ సినిమా చేయనున్న సంగతి తెలిసిందే. అయితే అదే సమయంలో హిందీలో ఓ స్ట్రైట్ చిత్రాన్ని చేయనున్నారు.
దీనికి సంబంధించిన పనులు వేగంగా సాగుతున్నాయి. హిందీలో తాను చేయనున్న మొదటి సినిమా మంచి ప్రేమ కథ అని ఇటీవల ప్రభాస్ ఓ ఇంటర్వ్యూ లో చెప్పారు. సో దేశవ్యాప్తంగా పాపులారిటీ ఉన్న ప్రభాస్ కి జోడీగా అంటే అంతే పాపులారిటీ ఉన్న దీపికా పదుకునే ని హీరోయిన్ గా ఫిక్స్ చేసినట్లు సమాచారం. హీరోయిన్ తో పాటు ఇతర ఆర్టిస్టులు, టెక్నీషియన్లు అందరూ ఖరారు అయిన తర్వాత ఈ సినిమా గురించి డైరక్టర్, నిర్మాతలు అధికారికంగా ప్రకటించనున్నారు.
