తెలుగు చిత్ర పరిశ్రమలో వేగంగా సినిమాలు చేసే హీరోగా పేరు దక్కించిన అల్లరి నరేష్.. ఈ మధ్య వేగం తగ్గించారు. వరుసగా అపజయాలు పలకరిస్తుండడంతో కథల ఎంపికలో కాస్త ఆలోచిస్తున్నారు. అలాగే హీరోగా కాకుండా క్యారెక్టెర్ ఆర్టిస్టుగా నటించడానికి గ్రీన్ సిగ్నల్ ఇచ్చారు. మహేష్ బాబుకి స్నేహితుడిగా నటించడానికి ఒకే చెప్పారు. ప్రస్తుతం మహేష్ బాబు కొరటాల శివ దర్శకత్వంలో భరత్ అనే నేను సినిమా చేస్తున్నారు. ఈ చిత్ర షూటింగ్ తమిళనాడులోని కారైకుడి లో జరుగుతోంది. ముఖ్యమంత్రిగా మహేష్ బాబు నటిస్తున్న ఈ మూవీ వచ్చే ఏడాది ఏప్రిల్ 27 న రిలీజ్ కానుంది.
ఆ తర్వాత వంశీ పైడిపెల్లి కాంబినేషన్లో సినిమాని మొదలెట్టనున్నారు. అమెరికా నేపథ్యంలో సాగే ఈ చిత్రంలో మహేష్ కి స్నేహితుడిగా నరేష్ కనిపించనున్నారు. ఇందుకోసం కోసం బొద్దుగా కనిపించాలని డైరక్టర్ చెప్పడంతో.. అందుకు అనుగుణంగా బరువు పెరుగుతున్నారు. ఇటీవల ఓ కార్యక్రమంలో ఆయన న్యూ లుక్ తో కనిపించారు. దీంతో ఈ టాపిక్ టాలీవుడ్ హాట్ న్యూస్ అయింది. మహేష్ కెరీర్లో ల్యాండ్ మార్క్ మూవీ కానున్న ఈ ప్రాజక్ట్ ని ప్రముఖ నిర్మాతలు దిల్ రాజు, అశ్విని దత్ లు సంయుక్తంగా నిర్మించను.
