ప్రముఖ దర్శకులు ఈవీవీ సత్యనారాయణ తనయులుగా సినీ పరిశ్రమకు పరిచయమైన ఆర్య‌న్ రాజేష్, అల్లరి నరేష్ లు తమ నటనతో మెప్పించారు. నరేష్ నాన్ స్టాప్ గా నవ్విస్తుండగా.. రాజేష్ మాత్రం విజయాలు లేకపోవడంతో కొంతకాలం సినిమాలకు బ్రేక్ ఇచ్చారు. తాజాగా ఇద్దరూ హీరోలుగా కాకుండా నటులుగా రీ ఎంట్రీ ఇస్తున్నారు. అల్లరి నరేష్ మహేష్ బాబు మహర్షి సినిమాలో కీలకరోల్ పోషిస్తున్నారు. ఈ రోల్ తనకి మంచి పేరు తీసుకొస్తుందని ధీమా వ్యక్తం చేశారు. అతను హీరోగా నటించిన సిల్లీ ఫెలోస్ మూవీ నేడు రిలీజ్ అయింది. ఈ సందర్భంగా మీడియా ముందుకు వచ్చిన నరేష్.. తన విషయాలతో పాటు అన్న రాజేష్ సంగతులు కూడా బయటపెట్టారు. రామ్ చరణ్, బోయపాటి శ్రీను కాంబినేషన్లో తెరకెక్కుతోన్న మూవీలో తన అన్న నటిస్తున్నాడని వెల్లడించారు.
అది విలన్ రోల్ అని అందరూ అనుకుంటున్నారు.. కానీ మంచి పాత్ర పోషిస్తున్నట్టు తెలిపారు. అన్న తన నటనతో సినిమాకి బలం అవుతారని నమ్మకాన్ని వ్యక్తం చేశారు. “అన్న ని రోల్ గురించి అడిగితే స‌రిగా చెప్ప‌డు. అస‌లే మాట్లాడ‌డు. చాలా త‌క్కువ మాట్లాడతాడు” అని నరేష్ వివరించారు. అసలు రాజేష్, నరేష్ రోల్స్ ఏమిటో సినిమాలు రిలీజ్ అయ్యే వరకు స్పష్టంగా తెలియదు. ఏదిఏమైనా రీ ఎంట్రీ లో అన్నదమ్ములు ఇద్దరూ క్లిక్ అవ్వాలని అందరూ కోరుకుంటున్నారు.
