‘నా పేరు సూర్య, నా ఇల్లు ఇండియా’ చిత్రం తర్వాత బన్నీ నటించిన మరో చిత్రమేమీ విడుదల కాలేదు. ప్రస్తుతం మాటల మాంత్రికుడు త్రివిక్రమ్ డైరెక్షన్లో ఓ చిత్రం రూపొందుతుంది. తండ్రికొడుకుల మధ్య సాగే ఓ ఎమోషనల్ డ్రామాగా ఈ చిత్రం రూపొందనుంది. తమన్ సంగీతమందిస్తున్న ఈ చిత్రంలో పూజా హెగ్దే హీరోయిన్ గా నటిస్తుంది. ఇక ఈ క్రమంలో షూటింగ్ కు కాస్త బ్రేక్ ఇచ్చి ఫ్యామిలీ తో స్విట్జర్లాండ్ కు ట్రిప్ కు వెళ్ళాడు బన్నీ. అక్కడ తన భార్య స్నేహారెడ్డి, పిల్లలు అర్హ, అయాన్ లతో కలిసి బాగా ఎంజాయ్ చేస్తున్నాడు.
స్విస్ లో మంచు కొండల ముందున్న ఓ స్టార్ రిసార్ట్ లో అల్లు అర్జున్ తన ఫ్యామిలీతో స్టే చేస్తున్నాడు బన్నీ. బన్నీ ఫ్యామిలీ ట్రిప్ కు సంబందించిన ఫోటోలు ప్రస్తుతం సోషల్ మీడియాలో తెగ వైరల్ అవుతున్నాయి. ఈ పిక్స్ ను తన ఇన్ స్టాగ్రామ్ లో పోస్ట్ చేయగా వీటికి తెగ లైకులు వస్తున్నాయి. ఈ ఫోటోలో బన్నీ, స్నేహల జంట తమ బిడ్డలను ఎత్తుకుని ఫోజులిచ్చారు. ఏదేమైనా బన్నీ తన ఫ్యామిలీ తో కలిసి సమ్మర్ హాలిడేస్ బాగా ఎంజాయ్ చేస్తున్నాడు.
