గత కొంతకాలం నుండీ త్రివిక్రమ్- బన్నీ కంబినేషన్లో ఓ చిత్రం తెరకెక్కబోతుందన్న వార్తలు వచ్చిన సంగతి తెలిసిందే. తాజాగా న్యూ ఇయర్ సందర్బంగా ఈ ప్రాజెక్ట్ కు సంబందించి అధికార ప్రకటన చేసారు. ఈ చిత్రాన్ని గీతా ఆర్ట్స్, హారికా అండ్ హాసినీ క్రియేషన్స్ కలిసి నిర్మిస్తున్నాయి. గతంలో ‘జులాయి’ ‘సన్ ఆఫ్ సత్యమూర్తి’ వంటి సూపర్ హిట్ చిత్రాలు వీరిద్దరి కాంబినేషన్లో తెరకెక్కడంతో.. ఇప్పుడు చేయబోయే చిత్రం చిత్రం పై భారీ అంఛనులున్నాయి. తండ్రీ కొడుకుల మధ్య జరిగే ఎమోషనల్ డ్రామాగా ఈ చిత్ర కథ ఉండబోతుందట.
ఇక ఈ చిత్రంలో హీరోయిన్ ఎవరనేది ఆసక్తికరంగా మారింది. అయితే ఈ చిత్రంలో హీరోయిన్ తనేనంటూ ఫిలింనగర్ లో ఓ వార్త హల్ చల్ చేస్తుంది. ఆ హీరోయిన్ ఎవరో కాదు ‘భరత్ అనే నేను’ చిత్రంతో టాలీవుడ్ కు పరిచయమైన కైరా అద్వాని. ఇప్పటికే కైరాతో సంప్రదింపులు జరిపిందట చిత్ర యూనిట్. ఈ మద్యే మెగా కాంపౌండ్ లోకి ఎంటరయ్యింది కైరా. తాజాగా మెగా పవర్ స్టార్ తో ‘వినయ విధేయ రామ’ చిత్రంతో ఈ సంక్రాంతికి మరోసారి తెలుగు ప్రేక్షకుల్ని పలకరించబోతుంది కైరా.
