టాలీవుడ్లో మరో ఆసక్తికర కాంబినేషన్ తెరకెక్కబోతోంది. మాస్, క్లాసు ఆడియన్స్‌ను ఆకట్టుకునే హీరో అల్లు అర్జున్, మాస్ పల్స్ బాగా తెలిసిన దర్శకుడు హరీష్ శంకర్ కాంబినేషన్లో త్వరలో సినిమా తెరకెక్కబోతోంది. రొమాంటిక్ అండ్ యాక్షన్ ఎంటర్టెనర్‌గా ఈ సినిమాను ప్లాన్ చేస్తున్నారు.ఈ చిత్రాన్ని ప్రముఖ నిర్మాత డివివి దానయ్య నిర్మించనున్నారు. ఇప్పటికే హరీష్ శంకర్ అల్లు అర్జున్‌కు స్టోరీలైన్ వినిపించాడని, విన్న తర్వాత కాన్సెప్టు బాగుందంటూ గ్రీన్ సిగ్నల్ ఇచ్చాడని తెలుస్తోంది. త్వరలో ఈ సినిమాకు సంబంధించిన పూర్తి వివరాలు అధికారికంగా వెల్లడి కానున్నాయి.
“దువ్వాడ జగన్నాధం” అనంతరం అల్లు అర్జున్-హరీష్ శంకర్ ల క్రేజీ కాంబినేషన్ లో తెరకెక్కనున్న చిత్రం కావడం, “నా పేరు సూర్య” లాంటి డిజాస్టర్ అనంతరం వస్తున్న సినిమా కావడంతో ఈ చిత్రంపై ఇప్పట్నుంచే భారీ అంచనాలు నెలకొని ఉన్నాయి. అయితే.. విక్రమ్ కుమార్ సినిమా ముందు మొదలవుతుందా లేక హరీష్ శంకర్ సినిమా ముందు మొదలవుతుందా అనే విషయంలో ఇంకా క్లారిటీ లేదు.
