హరీష్ శంకర్ దర్శకత్వంలో స్టైలిష్ స్టార్ అల్లు అర్జున్ నటిస్తున్న దువ్వాడ జగన్నాథమ్ సినిమా వేగంగా షూటింగ్ జరుపుకుంటోంది. ఇందులో బన్నీ ద్విపాత్రాభినయం చేస్తున్నారు. శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్న ఈ ఫిల్మ్ టీజర్ ని శివరాత్రికి రిలీజ్ చేయనున్నారు. ఈ మూవీ షూటింగ్ లో బిజీగా ఉండగానే అల్లు అర్జున్ తర్వాతి సినిమాలను సెట్ చేస్తున్నారు. ఈ మూవీ తర్వాత లింగు స్వామి దర్శకత్వంలో ద్విభాషా చిత్రంలో బన్నీ నటించనున్నారు. ఈ చిత్రం కొంతం ఆలస్యం అవుతుందని తాజా సమాచారం. అందుకే వంశీ పైడిపల్లితో మూవీ ప్లాన్ చేశారు.
ప్రస్తుతం ప్రీ ప్రొడక్షన్ వర్క్ జరుగుతున్న ఈ సినిమాకు ఆసక్తికర టైటిల్ అనుకుంటున్నట్లు ఫిల్మ్ నగర్లో ప్రచారం జోరుగా సాగుతోంది. ఈరోజు ఫిల్మ్ ఛాంబర్ లో ”నా పేరు సూర్య, మన ఊరు ఇండియా ”అనే టైటిల్ ని రిజిస్టర్ చేయించినట్లు తెలిసింది. గతంలో వంశీ దర్శకత్వంలో అల్లు అర్జున్ ఎవడు మూవీలో నటించారు. ఇప్పుడు ఫుల్ లెన్త్ మూవీ చేయబోతున్నారు. ఈ సినిమా గురించి అధికారిక ప్రకటన త్వరలో వెలువడనుంది.
Also, do SUBSCRIBE to our YouTube channel to get latest Tollywood updates.
