విభిన్నమైన ప్రేమకథల్లో హీరోగా నటించి అల్లు అర్జున్ విజయాలను అందుకున్నారు. వెండితెరపైనే కాకుండా నిజజీవితంలోనూ తన ప్రేమను గెలిపించుకొని రియల్ హీరో అనిపించుకున్నారు. వేరే సామజిక వర్గానికి చెందిన అమ్మాయిని ప్రేమించి. పెద్దలను ఒప్పించి పెళ్లి చేసుకున్నారు. ఇద్దరు కుటుంబసభ్యుల సమక్షంలో అల్లు అర్జున్, స్నేహలు 2011 మార్చి 6న ఏడు అడుగులు వేశారు. నేటితో ఏడేళ్లు పూర్తి అయ్యాయి. ఈ సందర్భంగా అల్లు అర్జున్ దంపతులకు కుటుంబ సభ్యులు, మిత్రులు అభిమానులు శుభాకాంక్షలు తెలుపుతున్నారు.
అల్లు అర్జున్, స్నేహలకు 2014లో అయాన్, 2016లో అర్హ జన్మించారు. వారి ఫోటోలను ఎప్పటికప్పుడు సోషల్ మీడియాలో పోస్ట్ చేస్తూ అభిమానులను సంతోషపెడుతుంటారు. ప్రస్తుతం బన్నీ వక్కంతం వంశీ దర్శకత్వంలో “నా పేరు సూర్య” సినిమా చేస్తున్నారు. బన్నీ సైనికుడిగా కనిపించనున్న ఈ చిత్ర ఫస్ట్ ఇంపాక్ట్ విశేషంగా ఆకట్టుకుంది. బాలీవుడ్ సంగీత దర్శకద్వయం విశాల్ – శేఖర్ స్వరపరిచిన పాటలు కూడా ఫ్యాన్స్ మనసుదోచుకున్నాయి. అను ఇమ్యానుయేల్ హీరోయిన్ గా నటించిన ఈ చిత్రం మే 4 న థియేటర్లలోకి రానుంది.
