విజయ్ దేవరకొండ హీరోగా రాహుల్ సంక్రిత్యాన్‌ దర్శకత్వంలో వచ్చిన సినిమా ‘టాక్సీవాలా’. ఇటీవలే రిలీజై హిట్ టాక్ తో ఈ సినిమా బాక్సాఫీస్ దగ్గర మంచి కలెక్షన్లు రాబడుతుంది. ఇక ఈ సినిమా దర్శకుడు రాహుల్ సంక్రిత్యాన్‌ కి ఇది మొదటి సినిమా కావడం విశేషం. ఇలా చేసిన మొదటిసినిమాతో అందరిలో మంచి గుర్తింపు తెచ్చుకున్నాడు ఈ యంగ్ డైరెక్టర్. అయితే స్టైలిష్ స్టార్ ‘టాక్సీవాలా’ డైరెక్టర్ కి తను చేసిన పొరపాటుకు సారి చెప్పాడట.
ఇక విషయంలోకి వెళితే, ‘టాక్సీవాలా’ ప్రీ రిలీజ్ ఈవెంట్ కి అల్లు అర్జున్ ముఖ్య అతిధిగా వచ్చిన విషయం తెలిసిందే. ఈ ఈవెంట్ లో స్టైలిష్ స్టార్ స్టేజ్ మీద సినిమా గురించి, చిత్ర యూనిట్ గురించి మాట్లాడాడు. కానీ సినిమా డైరెక్టర్ రాహుల్ సంక్రిత్యాన్‌ గురించి మాట్లాడటం మర్చిపోయాడట. దీంతో అల్లు అర్జున్ ఆ తరువాత, అందరి గురించి మాట్లాడాను, ఏదో కంగారు వల్ల నీ గురించి మాట్లాడటం మర్చిపోయాను సారి అని చెప్పాడట. ఇలా స్టైలిష్ స్టార్ అల్లు అర్జున్ సారి అనడంతో ఈ యంగ్ డైరెక్టర్ కి బన్నీపైన గౌరవం పెరిగిందట.
