రామ్ చరణ్, అల్లు అర్జున్ కలిసి నటిస్తే మెగా అభిమానులకు వచ్చే కిక్కే వేరు. వారికోసమే స్టైలిష్ స్టార్, మెగా పవర్ స్టార్ కలిసి “ఎవడు” సినిమాలో నటించారు. అయితే అందులో బన్నీ కొంచెం సేపు మాత్రమే కనిపించారు. ఎప్పుడు పోటీ పోటీగా కలిసి నటిస్తారా? అని ఫ్యాన్స్ ఎదురుచూస్తున్నారు. మెగా మల్టీ స్టారర్ మూవీ వచ్చేసరికి కొంత టైమ్ పడుతుంది కానీ.. ఇద్దరూ కలిసి పనిచేసే ప్రాజక్ట్ మాత్రం త్వరలో పట్టాలెక్కనుంది. ప్రస్తుతం చెర్రీ సుకుమార్ దర్శకత్వంలో సినిమా చేస్తున్నారు. పల్లెటూరి నేపథ్యంలో సాగే దీనికి రేపల్లె అనే పేరు పరిశీలిస్తున్నారు.
ఈ మూవీ కంప్లీట్ కాకముందే రామ్ చరణ్ మరో సినిమాకి గ్రీన్ సిగ్నల్ ఇచ్చినట్లు సమాచారం. కన్నడలో హిట్ అయిన బహద్దూర్ సినిమాను అల్లు అరవింద్ తెలుగులో రీమేక్ చేయాలనుకుంటున్నారు. ఇందులో హీరోగా చరణ్ ని ఫిక్స్ చేశారు. ఈ సినిమాకి కన్నడలో పునీత్ రాజ్ కుమార్ వాయిస్ ఓవర్ ఇచ్చారు. అతని మాట సినిమా విజయానికి దోహదం చేసిందంట. అందుకే అభిమానులను మెప్పించడానికి అల్లుఅర్జున్ తో వాయిస్ ఓవర్ ఇప్పించాలని నిర్మాత అనుకుంటున్నారు. ఈ విధంగా చెర్రీకి బన్నీ సాయం చేయనున్నారు.
Also, do SUBSCRIBE to our YouTube channel to get latest Tollywood updates.
