ఇద్దరు పెద్ద హీర్లోల సినిమాలు ఓకే సమయంలో విడుదలవుతున్నాయి అంటే అది పండుగ సీజన్లో మాత్రమే జరుగుతుంది. అలా కాదని మిగిలిన రోజుల్లో విడుదల చేస్తే ఓపెనింగ్స్ దెబ్బ పడే అవకాశం ఉంది. అయితే సంక్రాంతి సీజన్లో మాత్రం ఇలాంటి ఇబ్బంది ఉండదు. ఎంతకాదనుకున్నా మూడు, నాలుగు సినిమాలు వచ్చినా ప్రేక్షకులు చూస్తారు అనడంలో సందేహం లేదు. ఇదిలా ఉంటే 2020 సంక్రాంతికి కూడా రెండు పెద్ద సినిమాలు విడుదలవ్వబోతున్నాయి . ఇందులో ఏ చిత్రం ముందు వస్తుంది.. అనేది పెద్ద సస్పెన్స్ గా మారింది.
ఇంతకీ ఆ పెద్ద సినిమాలు ఏంటంటే.. ఒక మహేష్ బాబు, అనిల్ రావిపూడి ల ‘సరిలేరు నీకెవ్వరు’ కాగా మరోకటి అల్లు అర్జున్, త్రివిక్రమ్ కాంబినేషన్లో రూపొందే చిత్రం. ఈ రెండు చిత్రాలకి భారీ క్రేజ్ ఉంది. అప్పుడే ఈ చిత్రాలకి సంబందించిన బిజినెస్ కూడా జరిగిపోతుందని ఇన్సైడ్ టాక్. అయితే జనవరి 10 న ఓ చిత్రం, అలాగే జనవరి 12 న ఓ చిత్రం విడుదల కాబోతున్నాయని టాక్ నడుస్తుంది. ఇవి పక్కన పెడితే.. జనవరి 14 న సాయి తేజ్ ‘ప్రతీరోజు పండగే’ సినిమా కచ్చితంగా విడుదల కానుందట. మరి జనవరి 10, 12 న ఏ చిత్రాలు విడుదల కాబోతున్నాయి అనేది ప్రస్తుతానికి పెద్ద సస్పెన్స్ గా మారింది.
