సూర్య తాజా సినిమాలో అవకాశం అందుకొని ప్రస్తుతం ఫుల్ ఫామ్ లో ఉన్న అల్లు శిరీష్ ఇవాళ ఉదయం ఒక పాపులర్ పర్సన్ ను కలిశాడు. ఆయనేమీ సినిమా సెలబ్రిటీ కాదు, పోలిటికల్ లీడర్ అంతకంటే కాదు.. కానీ తన యాడ్స్ & పబ్లిసిటీతో ప్రపంచవ్యాప్తంగా వైరల్ అయిన గుండు బాస్ తో సెల్ఫీ దిగాడు అల్లు శిరీష్. ఆ సెల్ఫీని తన ట్విట్టర్ ఎకౌంట్ లో పోస్ట్ చేశాడు. “సెల్ఫీలు ఎవరికీ ఊరికే రావు.. లక్‌ ఉండాలి..హా హా’ అంటూ అల్లు శిరీష్ చేసిన ఆ ట్వీట్‌ ప్రస్తుతం వైరల్ అయ్యింది.
“డబ్బులు ఊరికే రావు’ అంటూ లలితా జ్యూయలర్స్‌ కంపెనీ యాడ్‌లో తానే కనపడి ఆకర్షించిన కిరణ్ కుమార్‌ సోషల్ మీడియాలో గుండూ బాస్‌గా ఫేమస్‌ అయిపోయిన విషయం తెలిసిందే. ఆయనను తాను ఓ విమానాశ్రయంలో కలిశానని తెలుపుతూ అల్లు శిరీష్ ఈ ట్వీట్‌ చేశాడు. ఓ సెల్ఫీ కావాలని ఆయనను అడిగి తీసుకున్నానని చెబుతూ దాన్ని పోస్ట్ చేశాడు. కాగా, శిరీష్ నటించిన ‘యుద్ధభూమి’ సినిమా ఇటీవలే విడుదలైన విషయం విదితమే.
