తమిళ నటుడు కార్తీ మొదటి నుంచి విభిన్నమైన కథలను ఎంచుకుంటూ ముందుకు సాగుతున్నారు. “ఊపిరి” సినిమాతో తెలుగు ప్రేక్షకులకు మరింత దగ్గరైన ఈ హీరో చేసిన తాజా చిత్రం కాష్మోరా. దర్శకుడు గోకుల్ తెరకెక్కించిన ఈ మూవీలో కార్తీ డిఫరెంట్ గా కనిపించనున్నారు. ఇందుకోసం ఆయన రెండేళ్లు కష్టపడ్డారు.
ఈనెల 29న ‘కాష్మోరా’ విడుదల కానుంది. ఈ సందర్భంగా కార్తీ మాట్లాడుతూ ” ‘కాష్మోరా’ కోసం నేను రెండేళ్లు కష్టపడిన మాట వాస్తవమే. కానీ బాహుబలి కోసం ప్రభాస్ కష్టపడిన దానితో పోల్చుకుంటే నాది చాలా తక్కువ. ఈ విషయంలో ఆయనే నాకు స్ఫూర్తి” అని వివరించారు. బాహుబలి విడుదలయిన తర్వాత ప్రభాస్ కి ఎంత పేరు వచ్చిందో అలాగే కాష్మోరా రిలీజ్ అయినా తర్వాత తనకి అంత గుర్తింపు వస్తుందని ధీమా వ్యక్తం చేశారు.
“మా సినిమా రెగ్యులర్ షూటింగ్ మొదలైన కొన్ని రోజులకే ”బాహుబలి” విడుదలైంది. ఆ సినిమా చూసి సెట్టింగ్స్ దగ్గర్నుంచి అన్ని విషయాల్లోనూ మెరుగులుదిద్దుకున్నాం” అని కార్తీ వివరించారు.
