తమిళ, తెలుగు పరిశ్రమలలో ధనుష్, రామ్ చరణ్ వంటి అగ్ర హీరోల సినిమాల్లో బిజీ బిజీగా ఉన్న సమయంలోనే మంచి సమయం మించిన దొరకదు అన్నట్టు దర్శకుడు ఏఎల్ విజయ్ ని పెళ్లాడింది అమల పాల్. దాంతో అవకాశాలు దండిగానే ఉన్నా చాలామంది హీరోయిన్ల లాగానే సినిమాలకు దూరమవ్వాల్సి వచ్చింది. భర్త కన్నా సినిమాలపైనే ఎక్కువ ప్రేమ పెంచుకున్న అమల మళ్ళీ ఇప్పుడు సినిమాల్లోకి వచ్చేసింది. దాంతో మళ్ళీ ఇప్పుడు ఆమెకి ఆఫర్లు చుట్టుముడుతున్నాయి.
ఇప్పటికే సమంతను పక్కకు తన్ని ధనుష్ ‘వడ చెన్నై’లో ఛాన్స్ పట్టేసిన అమల తమిళ నాట మరో క్రేజీ ఆఫర్ ని చేజిక్కించుకుంది. 2006లో సుశీ గణేశన్ తెరకెక్కించిన ‘తిరుట్టు పాయలే’ సీక్వెల్ లో అమల కీలక పాత్ర పోషించనుంది. దీంతో పాటు టాలీవుడ్ నుండి అమల పాల్ కి కబురు అందిందట. ‘ఆలా ఎలా’ ఫేమ్ అనీష్ కృష్ణ అల్లరి నరేష్ హీరోగా ఓ సినిమా చేయనున్న సంగతి తెలిసిందే. మలయాళ చిత్రం ‘ఒరు వడక్కన్ సెల్ఫీ’ రీమేక్ గా రూపొందనున్న ఈ సినిమాలో హీరోయిన్ గా అమల పాల్ ని సంప్రదించారట. చంద్ర శేఖర్ బొప్పన ఈ సినిమా నిర్మించనున్నారు. అయితే ఎంత రీ ఎంట్రీ అయినా అగ్ర హీరోలతో నటించిన అమల వరుస పరాజయాలు చవిచూస్తున్న అల్లరోడితో జత కడుతుందా..?
