యువ దర్శకుడు సుజీత్ దర్శకత్వంలో ప్రభాస్ చేస్తున్న సాహో సినిమా సౌత్, నార్త్ సినీ పరిశ్రమల్లోని నటీనటులతో నిండిపోయింది. ఏకకాలంలో తెలుగు, తమిళ్, హిందీ భాషల్లో తెరకెక్కుతోన్న ఈ సినిమాలో హీరోయిన్ గా బాలీవుడ్ బ్యూటీ శ్రద్ధ కపూర్, విలన్స్ గా బాలీవుడ్ నటుడు జాకీష్రాఫ్, నీల్ నితిన్ ముకేష్, చుంకే పాండే లు నటిస్తున్నారు. కొన్ని ప్రత్యేక పాత్రల్లో మహేష్ మంజ్రేకర్, మందిర బేడీ, టిన్ను ఆనంద్ లు కనిపించనున్నారు. అలాగే కోలీవుడ్, మల్లూవుడ్ నటులకు సైతం డైరక్టర్ ఇందులో మంచి రోల్స్ ఇచ్చారు. తమిళనటుడు అరుణ్ విజయ్, మల్లూవుడ్ సీనియర్ నటుడు”లాల్” కూడా సాహోలో కీలక పాత్రల్లో కథని మలుపుతిప్పనున్నారు.
అయితే ఇందులో సెకండ్ హీరోయిన్ కూడా ఉందంట. ఆమె కోసం కొంతకాలంగా వెతికిన సుజీత్ తాజాగా అమీ జాక్సన్ ని సెలక్ట్ చేసినట్లు సమాచారం. అమీ 2.0 సినిమాలో నటించింది. ఆ సినిమా సక్సెస్ అయితే అంతర్జాతీయ స్థాయిలో ఆమెకు క్రేజ్ ఏర్పడుతుంది. ఆమె సాహోలో ఉంటే.. సినిమాకి ప్లస్ అవుతుందని ఈ నిర్ణయం తీసుకున్నట్లు తెలిసింది. భారీ తారాగణంతో యూవీ క్రియేషన్స్ బ్యానర్లో వంశీ, ప్రమోద్ లు నిర్మిస్తున్న ఈ చిత్రం వచ్చే ఏడాది థియేటర్లోకి రానుంది.
