టాలీవుడ్ స్టార్ లిరిసిస్ట్ లలో ఒకరు అనంత శ్రీరామ్.ఆంధ్రప్రదేశ్, పశ్చిమ గోదావరి జిల్లాలోని పాలకొల్లుకు చెందిన ఇతను 17 ఏళ్లుగా ఇండస్ట్రీలో రాణిస్తున్నాడు. చూడటానికి చాలా పద్దతిగా, ఇన్నోసెంట్ గా కళ్ళజోడు పెట్టుకుని కనిపిస్తాడు. మాట్లాడే విధానం కూడా అలాగే ఉంటుంది. ఇతనికి 38 ఏళ్ల వయసు అంటే నమ్మడం కష్టంగానే ఉంటుంది. ఇప్పటివరకు 570 పాటలు రాశాడు. ఇతను రాసిన అన్ని పాటలు చార్ట్ బస్టర్స్ అయ్యాయి.
ఈ ఏడాది ‘సర్కారు వారి పాట’ లో ఇతను రాసిన ‘కళావతి’ పాట చార్ట్ బస్టర్ అయ్యింది.ఆ సినిమాలో చాలా వరకు పాటలు ఇతనే రాయడం విశేషం. త్వరలో రిలీజ్ కాబోతున్న ‘సీతా రామం’ చిత్రంలో కూడా మంచి పాటలు రాసాడు అనంత శ్రీరామ్. ఇతని పర్సనల్ లైఫ్ ను సినీ పరిశ్రమకి చాలా దూరంగా ఉంచుతాడు అనంత శ్రీరామ్. అయితే తాజాగా జీ తెలుగులో ప్రసారమయ్యే ఓ షో కోసం తన భార్య స్వాతితో కలిసి వచ్చి సందడి చేశాడు అనంత శ్రీరామ్.
అంతేకాదు అనంత శ్రీరామ్ తన భార్యతో కలిసి డ్యాన్స్ కూడా చేశాడు. అతని డ్రెస్సింగ్ కూడా ట్రెండ్ కు తగ్గట్టు ఉంది. ఈ ఆదివారం నాడు జీ తెలుగులో సాయంత్రం 6 గంటలకు ప్రసారమయ్యే ‘జీ తెలుగు వారి జాతర అందరూ ఆహ్వానితులే’ షోలో వాళ్ళ ఫుల్ పెర్ఫార్మన్స్ చూడొచ్చు.ప్రోమో మాత్రం తెగ వైరల్ అవుతుంది. ఈ ప్రోమోని చూసిన ఆడియన్స్ ‘అనంత శ్రీరామ్ 2.ఓ’ ‘ ‘అపరిచితుడు’ లో… రామాచారి టు రెమో ట్రాన్స్ఫార్మేషన్’… అంటూ కామెంట్లు పెడుతున్నారు.
