పబ్లిక్ ఈవెంట్లలో హీరోయిన్ల పరిస్థితి ఒక్కోసారి చూస్తుంటే బాధనిపిస్తుంటుంది. తాకరాని చోట తాకేవాళ్లు, వెయ్య రాని చోట చేయి వేసేవాళ్లు చాలా మందే ఉంటున్నారు. ఇందులో అభిమానులు, ప్రేక్షకులు ఉంటే ఒక లెక్క. కానీ తెలిసినవాళ్లు, బాగా దగ్గరి వాళ్లు ఉంటే అది ఇంకాస్త ఇబ్బందిగా కనిపిస్తుంది. ఎందుకంటే ఆ ఇబ్బంది ముఖంలో చూపించలేరు, బయటకు చెప్పలేరు. మౌనంగానే జాగ్రత్తగా ఉండాల్సి వస్తుంది. ఇప్పుడు ఇలాంటి పరిస్థితే ఎదుర్కొంది అంటున్నారు యువ కథానాయిక అనన్య పాండే.
ఇటీవల అనన్య ఓ ఫ్యాషన్ షోకి షో స్టాపర్గా వచ్చింది. అంటే ఆ ఫ్యాషన్ షోలో ఆఖరున వస్తుంది. దాంతో షో ముగిసింది అని చెప్పడం. ఇలాంటివి ఎక్కువగా హీరోయిన్లే చేస్తుంటారు. అయితే విషయం ఆమె రావడం కాదు. ఆమె వచ్చాక స్టేజీ మీద జరిగిన విషయం ఇక్కడ పాయింట్. ముంబయిలో ఫ్యాషన్ డిజైనర్ గౌరవ్ గుప్తా నిర్వహించిన ఫ్యాషన్ షోలో ఇదంతా జరిగింది హాజరైంది. ఫ్యాషన్ షో ముగిసిన తర్వాత గౌరవ్ గుప్తాతో కలసి వేదికపైకి వచ్చి ఫొటోలకు పోజులిచ్చింది అనన్య.
ఆ సమయంలో గౌరవ్.. అనన్యతో కాస్త చనువుగా ప్రవర్తించాడు. అనన్య నడుముపై చేతులు వేసి పట్టుకున్నాడు. ఆ మయంలో అనన్య స్టేజీ మీద నవ్వుతూనే అక్కడి నుండి వెళ్లిపోయింది. దీంతో అనన్య ఇబ్బందిపడింది అంటూ ఓ వెర్షన్ వీడియో వైరల్ అవుతోంది. గౌరవ్ గుప్తా తీరుని కొంతమంది తప్పుపడుతుంటే.. మరికొందరు ఇద్దరి మద్య స్నేహం ఉందని.. అందుకే ఆయన అలా చేశాడు అని చెబుతున్నారు. నిజానికి హీరో – హీరోయిన్లు ఇలా ఉండటం సహజంగా చూస్తుంటాం.
అయితే, ఓ ఫ్యాషన్ డిజైనర్ ఇలా చేయడంతోనే ఈ చర్చంతా మొదలైంది. నిజానికి బాలీవుడ్లో హీరోయిన్ – ఫ్యాషన్ డిజైనర్ బంధంలో ఇలాంటివి చూడటం ఇదేమీ కొత్త కాదు. చాలామంది డిజైనర్లు.. హీరోయిన్లకు క్లోజ్గా ఉంటున్నారు. గౌరవ్ కూడా అలానే ఉండి ఉండొచ్చు.
