‘జబర్దస్త్’ షో తో మంచి ఫాలోయింగ్ ను సంపాదించుకుంది హాట్ యాంకర్ ‘అనసూయ’. తాజాగా ‘రంగస్థలం’ చిత్రంలో ‘రంగమ్మత్త’ గా అలరించిన అనసూయ.. ప్రస్తుతం ‘యాత్ర’ ‘కధనం’ వంటి చిత్రాలతో బిజీగా ఉంది. అయితే గత కొంత కాలంగా ‘ఎఫ్2’ చిత్రంలో అనసూయ గెస్ట్ రోల్ లో కనిపిస్తుందని వార్తలు వస్తున్న సంగతి తెలిసిందే. తాజాగా ఈ విషయం పై ‘ఎఫ్2’ చిత్ర ద‌ర్శ‌కుడు అనిల్ రావిపూడి క్లారిటీ ఇచ్చాడు.
అనిల్ రావిపూడి తన ట్విట్ట‌ర్ ద్వారా స్పందిస్తూ… ‘ఎఫ్2’ లో అనసూయ అతిథి పాత్రలో కనిపించబోతుంది. అంతే కాదు ఒక స్పెషల్ సొంగ్ లో అనసూయ స్పెషల్ అప్పీరెన్స్ ఉంటుంది… అంటూ ట్వీట్‌ చేశాడు. వెంకటేష్ – వరుణ్ తేజ్ హీరోలుగా తెరకెక్కుతున్న ఈ క్రేజీ మల్టీ స్టారర్ లో తమన్నా, మెహ్రీన్ హీరోయిన్లుగా నటిస్తున్నారు. దిల్‌రాజు నిర్మిస్తున్న ఈ చిత్రానికి రాక్ స్టార్ దేవిశ్రీ ప్రసాద్‌ సంగీతమందిస్తున్న విషయం తెలిసిందే. ఇక ఈ చిత్ర టీజర్‌ను డిసెంబరు 12న విడుదల చేస్తుండగా, సంక్రాంతి కానుకగా ఈ చిత్రాన్ని చేయబోతుండడం విశేషం.
