పవర్ స్టార్ పవన్ కళ్యాణ్ కొంచెం ఆలస్యంగానైనా పాతిక చిత్రాల మైలురాయిని చేరుకున్నారు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో చేస్తున్న అజ్ఞాతవాసి పవన్ కి 25 వ చిత్రం. రీసెంట్ గా షూటింగ్ కంప్లీట్ చేసుకున్న ఈ మూవీ పోస్ట్ ప్రొడక్షన్ వర్క్ జరుపుకుంటోంది. ఈ సందర్భంగా ఈ చిత్రానికి సంగీతమందిస్తున్న అనిరుద్ ఓ ప్రత్యేక పాటని కంపోజ్ చేశారు. అంతేకాదు స్వయంగా పాడారు. అందుకు వీడియో కూడా షూట్ చేయనున్నారు. ఇందుకోసం ప్రత్యేక సెట్ ని రూపొందిస్తున్నారు. పవన్ నటించిన చిత్రాల్లోని స్టిల్స్ బ్యాగ్రౌండ్ లో స్క్రోల్ అయ్యే విధంగా సెట్ జేశారు. త్వరలోనే ఈ వీడియోని అప్లోడ్ చేయడానికి అనిరుద్ కష్టపడుతున్నారు.
ఇక ఈ చిత్రంలోని మొదటి సాంగ్ “బయటికొచ్చి చూస్తే” కు సూపర్ రెస్పాన్స్ వచ్చింది. మరో పాట “గాలి వాలుగా” డిసెంబర్ 12న విడుదలకానుంది. అను ఇమ్యానియాల్, కీర్తి సురేష్ హీరోయిన్స్ గా నటిస్తున్న ఈ చిత్రంలో కుష్బూ, వెంకటేష్ కీలక పాత్రలు పోషిస్తున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీని సంక్రాంతి కానుకగా జనవరి 10 న రిలీజ్ చేయనున్నారు. జల్సా, అత్తారింటికి దారేది కాంబినేషన్లో వస్తున్న అజ్ఞాతవాసిపై భారీ అంచనాలున్నాయి
