ప్రభాస్ తో సినిమా తీయడం కన్నా అతని పక్కన జోడీని వెతకడమే పెద్ద కష్టమైంది. మూడు నెలలుగా సుజీత్ బృందం సాహోలో హీరోయిన్ కోసం వేటకొనసాగిస్తోంది. యూవీ క్రియేషన్స్ బ్యానర్ పై 150 కోట్లతో ఏక కాలంలో మూడు భాషల్లో వంశీ, ప్రమోద్ లు నిర్మిస్తున్న ఈ మూవీ లో హీరోయిన్ గా మొదట్లో కన్నడ బ్యూటీ రష్మిక మందనా నటిస్తున్నట్లు వార్తలు వచ్చాయి. తర్వాత బాలీవుడ్ హీరోయిన్స్ దీపికా పదుకునే, పరిణీతి చోప్రా పేర్లు ప్రచారంలోకి వచ్చాయి. అలాగే అనుష్క, పూజా హెగ్డే పేర్లు వినిపించాయి. తాజాగా బాలీవుడ్ బ్యూటీ శ్రద్ధ కపూర్ ఖరారు అయినట్లు ముంబై పత్రికలూ కథనాలు ప్రచురించాయి. చిత్ర బృందం దీనిపై ఇంకా అధికారిక ప్రకటన చేయలేదు.
ఏదేమైనా గానీ సాహో హీరోయిన్స్ జాబితాలో శ్రద్ధ కపూర్ చేరిపోయింది. బాహుబలి కంక్లూజన్ తర్వాత యంగ్ రెబల్ స్టార్ ప్రభాస్ చేస్తున్న సాహో ఒక సీన్ కంప్లీట్ అయింది. టీజర్ కోసం ప్రభాస్ షూటింగ్ లో పాల్గొన్నారు. ఆ తర్వాత సిటీ సెంట్రల్ లైబ్రరీలో బాలీవుడ్ నటుడు నీల్ నితిన్ ముఖేష్ పై కొన్ని షాట్స్ తెరకెక్కించారు. త్వరలో రెండో షెడ్యూల్ ముంబైలో మొదలు కానుంది. అనంతరం చిత్ర బృందం దుబాయ్ కి వెళ్లనుంది. అక్కడే కీలక యాక్షన్ సీక్వెన్స్ తెరకెక్కించనున్నారు.
Also, do SUBSCRIBE to our YouTube channel to get latest Tollywood updates.
